Josuạ 6:9 - সান্তালী বাইবেল

⁹ Ar okoe naekeko sakwako oroṅetʼ tahẽkan onko laha lahate do khanḍa bhanḍako sapʼakatʼ palṭonko ar sinduk tayom tayomte do rurukhiyạkoge. Ar naekeko do goṭa hor sakwa oroṅtegeko tahẽyena.

Josuạ 6:9 Referans Kwoze

Josuạ 6:13

Ar eae naekeko do eae goṭen bheḍa dereń reakʼ sakwa oroṅ oroṅte Probhu Isorakʼ sinduk laha lahateko senena. Ar khanḍa banḍawante palṭonko do onko laha lahate ar Probhu Isorakʼ sinduk tayomre do rurukhiyạ dolko; ar purạ okte sakwa reakʼ saḍe do ańjomena.

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Numeri 10:25

Jotoko khon tayom do Dan nisạnren eṭakʼ eṭakʼ dolren hoṛko mohnḍayena. Noko do rurukhiyạ dol lekate sanam dolko khon tayomteko mohnḍayena. Dan gusṭiren mukhiyạ do Amisadae hopon Ahiesere tahẽkana.

Josuạ 6:8

Josuạ do hoṛko galmaraoakoe sạtketʼ khan Probhu Isor samaṅre eae naekeko do eae goṭen bheḍa dereń reakʼ sakwa oroṅ oroṅteko mohnḍayena ar onko tayomte do Probhu Isorakʼ bondobos-sinduk.

Josuạ 6:10

Josuạ do laharege hoṛko noae hukumatʼko tahẽkana, “Ape do ãṭ aṛaṅte alope hohoya se aṛaṅate alope roṛa se mocate jãhãn saḍe hõ alope oḍoka. Menkhan oka hilokʼ ãṭ aṛaṅte hohoń metape eken enhilokʼge ãṭ aṛaṅtepe hohoya.”