Josuạ 6:27 - সান্তালী বাইবেল

²⁷ Probhu Isor do Josuạ sãoteye tahẽyena, ar uniyakʼ ńutum do goṭa disạmre pasnao idiyena.

Josuạ 6:27 Referans Kwoze

Josuạ 9:3

Jerikho ar Ae nagraha reakʼ Josuạ okae cekaletʼ ona reakʼ katha tinre Gibeon nagraharen Hiwikoko ańjomkeda unre onko do mitʼṭecʼ calakiko kạmikeda. Onkoren thoṛa hoṛ do Josuạ ṭhenko mohnḍayena. Onko do akoren gadha cetanre mare mare bosta ar oṛecʼ ar tạli akatʼ darkha rasa dohowakʼ harta reakʼ mare kumkoko ididarakeda.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

Josuạ 9:9

Onkoko roṛ ruạṛkeda, “Amren Probhu Isorakʼ ńutum ańjomkate amren golamko do ạḍi sạṅgiń khonle hecʼ akana. Misor disạmre uni okae cekaletʼ ona reakʼ sombat hõle baḍae akada.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

Mathae 14:1

Onako oktere Herod do Jisu reaṅe ańjomketʼ khan acʼren kạmiyạkoe metatʼkoa, “Nui doe Johan bạbạptisicʼ kana; unige gocʼko khone jiwetʼ beretʼ akana.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

2 Samuel 7:9

Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Dosar Biboron 31:6

Daṛeanko hoyokʼpe ar monre dil dohoype. Onko ńelte alope botorokʼa se alope thar tharaokʼa, ente Probhu Isorge ape sãoteye tahena. Uni do tishõ bae bạgiyapea.”

Bikʼcạrko 1:19

Probhu Isor do Jihudạ gusṭiren hoṛko sãoteye tahẽkana. Onko do buru ṭoṭhakoko hatletʼgea, menkhan bilạn ṭạnḍiren hoṛko do bako laga ńir daṛeatʼkoa, ente onkoakʼ do mẽṛhẽtʼ reakʼ rãt gạḍiko tahẽkantakoa.

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Bõsbudạ 14:17

Nonkate Dạudakʼ ńutum do goṭa disạm pasnao idiyentaea, ar Probhu Isor do sanam jạtrenko talare uni reaṅ mitʼṭecʼ botore rakapʼ ocoketʼtakoa.

Ester 9:4

Mordekai do raj doṅgolre maraṅicʼe hoyena; uniyakʼ ńutum do sanam tabe disạmkore pasnao idiyena ar dinke dine daṛe idiyena.