Josuạ 6:21 - সান্তালী বাইবেল

²¹ Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.

Josuạ 6:21 Referans Kwoze

Jirimiạ 48:18

Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Johan sodor 18:21

Tayomte mitʼṭen daṛeanicʼ serma goḍet do maraṅ jante dhiri lekanakʼ mitʼṭecʼ dhiri jalapurire lebda giḍikateye menkeda, “Nonkage ona maraṅ nagraha Babel do lebda giḍi ocokʼa. Ona do ar tishõ baṅ ńamokʼa.

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”

1 Samuel 15:8

Amalekikoren Og raj do jiwetʼteye sapʼkedea ar eṭakʼ sanam hoṛko doe marao cabaketʼkoa.

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Josuạ 11:14

Niạko nagraha khon okako jinis ar ạsul janwarko luṭlen ona do Israelko apnar lạgitʼko idiwana; menkhan sanam hoṛko doko marao cabaketʼkoa, mitʼṭen jiwiyanko hõ jiwetʼ do bako doholetʼkoa.

Josuạ 10:39

Onko do ona nagraha, ar onaren raj ar ona reakʼ atokoko hatketʼte sanam hoṛko gocʼ cabaketʼkoa. Onko do onḍenko sanam jiwiyankoko marao utạrketʼkoa. Josuạ do celege jiwetʼ bae doholetʼkoa; uni do Libna ar onaren raj ar Hebron reakʼ oka dosae hoyocoletʼtae Debir ar onaren rajakʼ dosa hõ onkageye hoyocokeda.

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Dosar Biboron 2:34

Ona jokhecʼ abo do uniyakʼ sanam atoko ar nagrahako bon dokholketʼte onkoren herel hoponko, maejiuko ar gidrạko bon marao cabaketʼkoa; onkoren celege jiwetʼ do babon doholetʼkoa.

Dosar Biboron 13:16

Ar onḍenakʼ luṭ ạguwakʼ joto jinisko do nagraha reakʼ tala kulhirepe dohoya ar sanamakʼ jinisko, ona ato ar nagraha hõ aperen Probhu Isor ńutumte jeredokʼ samaṅokʼakʼ leka purạtepe jeretʼ giḍikakʼa. Ona jaega do jaejug hạbicʼ ḍhipi leka tahena; ar ona do tishõ baṅ benao hoyokʼ.

Josuạ 8:2

Jerikho nagraha ar onaren raj cetanre okam cekaletʼ Ae nagraha ar onaren raj cetanre hõ onkagem cekaea. Menkhan onḍenakʼ luṭ ạguakʼ jinisko ar janwarko ape apnar lạgitʼpe hatao daṛeakoa. Ar am do nagraha tayom secʼre mitʼ dol lạṛhại phạdkom oko dohokoa.”

Josuạ 8:22

Ar oko akan tahẽkan lạṛhại phạdko hõ Aeren hoṛko akromonko lạgitʼ nagraha khonko oḍok hecʼena. Onate Aeren hoṛ do Israelren banar dol talareko paṛaoena. Ar Israelko do onko sanamko gocʼketʼkoa, okoehõ jiwetʼ bako doholetʼkoa.

Josuạ 9:3

Jerikho ar Ae nagraha reakʼ Josuạ okae cekaletʼ ona reakʼ katha tinre Gibeon nagraharen Hiwikoko ańjomkeda unre onko do mitʼṭecʼ calakiko kạmikeda. Onkoren thoṛa hoṛ do Josuạ ṭhenko mohnḍayena. Onko do akoren gadha cetanre mare mare bosta ar oṛecʼ ar tạli akatʼ darkha rasa dohowakʼ harta reakʼ mare kumkoko ididarakeda.

Josuạ 11:11

Israelko do Hasorren sanamkoko maraoketʼkoa, mitʼṭen jiwiyanko hõ jiwetʼ do bako doholetʼkoa. Ar inạ tayom Josuạ do nagrahae jeretʼ giḍikada.