Josuạ 6:18 - সান্তালী বাইবেল

¹⁸ Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.

Josuạ 6:18 Referans Kwoze

1 Johan 5:21

E bachakotiń, boṅgako tulucʼ apeakʼ do jãhãn jopoṛao alo tahen ma.

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Jona 1:12

Jonae roṛ ruạṛkeda, “Doreãore giḍikạńpe enḍekhan jalapuri do ḍelḍel thirokʼa. Ińiń baḍaea, ińakʼ dos iạtege noa birbão hoe do apere paṛao akana.”

Sosolhayic̕ 9:18

Lạṛhại reakʼ sajbaj khon ạkil do sorosgea, menkhan mitʼṭen kại hoṛ do ạḍi utạr boge kạmiye bạṛija.

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Josuạ 7:15

Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

Dosar Biboron 13:17

Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Josuạ 7:13

“Am do senkate iń ńutumte hoṛko begarkom. Arem metakoa onko jemon gapa lạgitʼ apnartetʼ sapha akanko tahen ma. Israelkoren Probhu Isore meneda, ‘E Israel, ape modren nonkanakʼ jinis menakʼa one okaṭakʼ do ḍahao maraokʼ sarapanakʼ tabe reakʼ kan. Onako ape tala khon ạuripe oḍok giḍikakʼ hạbicʼ aperen bạiriko samaṅre bape teṅgo daṛeakʼa.

Dosar Biboron 23:10

Ape talaren jãhãege ńindạ jokhecʼ jãhãnakʼ iạteye besapha len khan, uni do ḍera bahrete senokʼ hoyokʼtaea.

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.