Josuạ 5:10 - সান্তালী বাইবেল

¹⁰ Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Josuạ 5:10 Referans Kwoze

Exodus 12:6

Ar niạ cando reakʼ pongel tạrik hạbicʼ uni do dohoye hoyokʼa. Ona tayom enhilokʼ cando hạsur tayom goṭa Israel somaj reakʼ mimitʼ gharońjrenko do apan ạpin bheḍa hoponko gurkoa.

Jeheskel 12:3

“Onatege E manwa hopon, am do sạṅgińtem bondi idi ocokʼkana ar onkage amakʼ jinisko hõ samṭaotam ar onkoakʼ mẽtʼãhã samaṅte siń marsalrege oḍokokʼme; ar okare menam onḍe khon eṭakʼ jaegate calakʼme. Pasecʼ onko do mitʼṭen huhulkan jạtren hoṛ kanako menteko bujhạu daṛeakʼa.

Exodus 12:18

Ape do pạhil cando reakʼ gelponakʼ tạrik reakʼ ạyupʼ khon ehopʼkate ona cando reakʼ bargel mitʼ ńindạ hạbicʼ bin khạmiyanakʼ piṭhạpe joma.

Levitikus 23:5

Bochor reakʼ pạhil cando reakʼ gelponakʼ tạrik reakʼ ạyupʼ jokhecʼ Probhu Isor ńutumte bańcao porob do ehobokʼa.

Josuạ 4:19

Bochor reakʼ pạhil cando reakʼ gelakʼ dinre hoṛko do jordan gaḍa khonko rakapʼ hecʼente Jerikho purub simạ reakʼ Gilgolre senkateko ḍerayena,

Josuạ 5:11

Ar ona dosar hilokʼge ona disạm reakʼ phosol khon benaoakʼ bin khạmiyanakʼ piṭhạ ar isinakʼ anajko jomkeda.

Josuạ 9:6

Nonkate onko do Gilgolre Israelkokʼ ḍerare Josuạ samaṅreko seṭerena. Onko do Josuạ ar Israelkoko metatʼkoa, “Ale do ạḍi sạṅgiń disạm khonle hecʼakana; onate ma bondobos baṛe bandhao alepe.”

1 Samuel 7:16

Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.

2 Samuel 15:28

Ar tin hạbicʼ iń baḍae ocoyiń lạgitʼ am ṭhen khon khobor baṅ hecʼạń un hạbicʼ hahaṅkarre oka jaegare taṛamte paromokʼ onḍegeń tạṅgi hataṛa.”

Jirimiạ 39:5

Menkhan Babelren lạṛhại phạdko do onkoko khudạu idiketʼkote Jerikho reakʼ bilạn ṭạnḍire Sedekiạko sapʼ tiyokʼkedea. Arko sapʼkede khan Hamat disạm reakʼ Riblare Babelren raj Nebukadnesar ṭhenko idikedea. Ar Nebukadnesar raj do uni sạjạiye reakʼe hukumkeda.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Exodus 12:11

Ona do nonka tahẽkatepe joma; apeakʼ kicricʼ do ḍanḍare paṭhe akae tahenma, jaṅgare panahi ar tire hõ ṭheṅga tahentape ma. Ona do usạrate onape joma. Ar noage Probhu Isor ńutumte bańcaokʼ porob reakʼ bhoj do hoyokʼa.