Josuạ 4:12 - সান্তালী বাইবেল

¹² Mose okae hukum oṭoletʼ tahẽkan onkage Ruben ar Gad gusṭiren sanamko ar Manasi gusṭiren adha hoṛko do lạṛhại lạgitʼko sapṛaoente Israelko lahate gaḍako paromkeda.

Josuạ 4:12 Referans Kwoze

Josuạ 1:14

Jordan reakʼ purub secʼ okaṭakʼ jaega Mose apeye emakatʼpe onḍe do aperen bạhuko, gidrạko ar ạsul janwarkoko tahẽ daṛeakʼa, menkhan ape talare okoe do lạṛhại lạgitʼko oḍok sen daṛeakʼ onko do aperen boehako lahate gaḍa paromokʼ hoyokʼtakoa.

Exodus 13:18

Onate Isor do hahaṅkar talate arakʼ jalapuri secʼe ạyur idiketʼkoa. Ar Israelko do lạṛhại phạd leka Misor disạm khonko oḍok hecʼena.

Numeri 1:24

Gad bõsrenko mod khon okoekoakʼ umer do bargel se ona khon bạ̃ṛti, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate sanamkoakʼ ńutum ol caṛhaoentakoa.

Numeri 32:17

Menkhan Israelko akoakʼ jaegare ạurile idi seṭerko hạbicʼ ale hõ lạṛhại reakʼ khanḍabhanḍa horokʼkate onko lahate calakʼle sapṛaogea. Ar inạko dinre aleakʼ gharońjkoren do pạcri esetʼ nagrahareko tahẽ hataṛokʼa jemon niạ disạmren hoṛkoakʼ ti khon rukhiyạko ńam.

Dosar Biboron 3:18

“Ona tayom iń do onkoń metatʼkoa, ‘Aperen Probhu Isor do noa jaegage dokhol lạgitʼe em akatʼpea. Menkhan ape talare okoekoakʼ daṛe menakʼ onko do lạṛhại reakʼ khanḍa bhanḍako horokʼkate Israel boehako laha lahate gaḍa paromokʼ hoyokʼtakoa.

Dosar Biboron 33:21

Uni do acʼ lạgitʼ bhage jumiye bachaojoṅa; mukhiyạwakʼ kuṛại do uni lạgitʼge dohoakana. Lạṛhạire jarwa akan sordarko talare unige Probhu Isorakʼ hukume manao akatʼtaea, uni do Probhu Isorakʼ niạme dohoakada oka do Israel hoponko em ocoakan.”

Josuạ 4:11

Ar sanamkoko paromen khan naekeko do Probhu Isorakʼ goha-sindukante hoṛko samaṅteko rakapʼ hecʼena.

Josuạ 4:13

Lạṛhại lạgitʼ pongel hajar hoṛ do khanḍa bhanḍawante Probhu Isor samaṅre lạṛhại lạgitʼ gaḍa paromkate Jerikho reakʼ ṭạnḍireko senena.