Josuạ 24:31 - সান্তালী বাইবেল

³¹ Josuạ tinạkʼ din jiwetʼe tahẽkan ar ona tayom dinkore okoeko murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko hõko ńelleda.

Josuạ 24:31 Referans Kwoze

Bikʼcạrko 2:7

Josuạ tinạkʼ din jiwetʼe tahẽkan ar ona tayom dinkore okoe murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko ko ńelleda.

Dosar Biboron 31:13

Nonkate onkoren hopon ar hoponerako, okoe do noa ạn-ạri reakʼ katha bako baḍaekan, onko hõ onako ańjoma ar noa sikhnạtko ńama, jordan gaḍa paromkate okaṭakʼ disạm dokhol lạgitʼpe calakʼkan onḍe onko do jiwetʼ jonom Probhu Isorko botoraea.”

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

Dosar Biboron 11:2

Teheń disạ dohokakʼpe, noako katha do ape ṭhengeń meneda, aperen hoponko ṭhen do baṅa, ente onko do aperen Isorakʼ benao rakapʼakʼ reakʼ do bako baḍaea ar ńelhõ bako ńelakada. Onko do uniyakʼ ṭhonok ar uniyakʼ daṛeanakʼ tiạrakatʼ ti hõ bako ńel akatʼtaea.

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

Aposkạmi 20:29

Ińiń baḍaea je, iń sen tayom hoṛko do hunḍạr leka ape talareko hijukʼa ar palren bhiḍikoko loksankoa.

2 Bõsbudạ 24:2

Jehoyada naeke jiwetʼe tahekan bhorge Joas do Probhu Isorakʼ oṛakʼre oka bhage tahẽkan onageye kạmiyetʼ tahẽkana.

Dosar Biboron 11:7

Menkhan ape do Probhu Isorakʼ maraṅ maraṅakʼ kạmiko apnarakʼ nij mẽtʼtepe ńelakada.

Genesis 14:10

Sidim bilạn ṭạnḍire Alkatrate perecʼ aema ghaḍlakʼko tahẽkana. Tinre Sodom ar Gomorren rajko dạṛetʼ tahẽkana unre onko modren adomko do ona alkatra ghaḍlakʼreko ńurena, ar eṭakʼko do buru secʼko dạṛkeda.

Bikʼcạrko 2:6

Josuạ do Israelkoe bidạ baṛaketʼko khan onko do apan ạpin hĩs reakʼ jaega dokhol lạgitʼko calaoena.

Bikʼcạrko 2:10

Josuạ okteren Israelko do gocʼente akoren hapṛam ṭhenko calaoen khan onkoakʼ jaegare onkoren hoponkoko hecʼena. Onko do Probhu Isor bako baḍae akade tahẽkana ar Israelko lạgitʼ Probhu Isor okakoe cekaletʼ ona hõ bako baḍaekan tahẽkana.

2 Bõsbudạ 34:33

Josiạ do Israelko tabereko tahẽkan sanam disạm khon Hirkhạwan joto lekan boṅga murtikoe sạṅgiń giḍiketʼkoa ar Israelre jarwa akan sanamko salakʼ uni do Probhu Isore sewawadea. Uni tinạkʼ din jiwetʼe tahẽkan unạkʼ din hoṛko do onkoren hapṛamkoren Probhu Isorakʼ horteko calakʼkan tahẽkana.