Josuạ 24:21 - সান্তালী বাইবেল

²¹ Onate hoṛko do Josuạko metadea, “Baṅa, ale do Probhu Isor gele sewawaea.”

Josuạ 24:21 Referans Kwoze

Jesaea 44:5

Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”

Exodus 20:19

Onko do Moseko metadea, “Ale tulucʼ katha roṛme, ale dole ańjoma; menkhan Isor ale tulucʼe roṛle khan ale dole gujukʼa.”

Exodus 19:8

Noa katha ańjomkate hoṛko do mitʼ domteko menkeda, “Probhu Isor okaṭakʼe menakatʼ ale do jotogele onkaea.” Ar hoṛko okako menketʼ Mose do ona Probhu Isore baḍae ocokedea.

Dosar Biboron 26:17

Ar teheńge lại sodorpe. Probhu kangeae aperen Isor do ar uniyakʼ horregepe taṛama mente. Arpe aṅgocetʼ kana, uniyakʼ hukumko ar bicạrkope dohoya ar uniyakʼ katha lekape calakʼa.

Exodus 24:7

Ona tayom uni do bondobos olakʼ puthi hataokate hoṛkoe paṛhao ańjomatʼkoa. Unre hoṛko doko roṛ ruạṛadea, “Ale dole bataoa ar Probhu Isor okakoe menakatʼ ona jotowakʼle palona.”

Exodus 24:3

Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”

Josuạ 24:22

Unre Josuại metatʼkoa, “Ape do niạ kathate apnarge aperen gohape hoyena, Probhu Isor gepe sewawaea mente.” Onkoko roṛ ruạṛkeda, “Hẽ, ale do goha gele hoyena.”