Josuạ 24:18 - সান্তালী বাইবেল

¹⁸ Niạ disạmren Amoriko ar eṭakʼ sanam jạtrenko do Probhu Isorge abo samaṅ khone laga ńir akatʼkoa. Onate ale hõ Probhu Isor gele sarhaoea, ente uni kangeae aboren Isor do.”

Josuạ 24:18 Referans Kwoze

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Sereńko 116:16

E Probhu Isor, sạrige iń do amren golam kạnạń, amren golamge, ar amren kạ̃ṛmĩren gidrạge; amge ińakʼ tonolem raṛa akatʼtińạ.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Aposkạmi 7:45

Aboren hapṛamko do ona tạmbu ńamkate akoren ạyuricʼ Josuạ tabere tahẽkate ako sãote aboakʼ noa disạmteko ạguleda. Un johkecʼ Isor do onko samaṅ khon eṭakʼ jạtrenkoe laga ńirketʼkoa ar onko do noa disạmko ạidạriana. Ar Dạud hạbicʼ ona tạmbu do noa disạmrege tahẽkana.

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Josuạ 24:17

Aboren Probhu Isor do acʼge abo ar aboren hapṛamko Misor disạm khon, golam oṛakʼ khon nonḍeye oḍok ạgu akatʼbona ar aboakʼ mẽtʼãhã samaṅrege maraṅ maraṅ hahaṛawakʼ kạmikoe kạmi akada. Aboakʼ goṭa dãṛãn horre tinạkʼ jạtrenko talate bon hecʼakan onkoakʼ ti khon unigeye bańcao akatʼbona.

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Josuạ 23:9

“Ape samaṅ khon maraṅ ar daṛean jạtrenko do Probhu Isorgeye laga ńir akatʼkoa. Teheń hạbicʼ okoehõ ape samaṅre bako ṭeṅgo ṭarhao daṛe akawada.