Josuạ 24:13 - সান্তালী বাইবেল

¹³ Ar okaṭakʼ jumire bape khaṭao akan ar okaṭakʼ ato ar nagraha bape benao akatʼ onako apeń ematʼpea. Ar ńitokʼ do onako nagraha ar atokorepe girobasokʼ kana; ona chaḍa okaṭakʼ darkha bape cas akatʼ ar okaṭakʼ jạitun daṛe bape rohoe akatʼ onako reakʼ jo hõ ńitokʼpe jomeda.’ ”

Josuạ 24:13 Referans Kwoze

Dosar Biboron 8:7

Aperen Probhu Isor oka mońj disạmteye ạyur aderetʼpe onḍe do buru ar lodamkore bhumbukokʼ ḍạḍi ar dakʼ nalako menakʼa.

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Josuạ 21:45

Probhu Isor do Israelko bhạlạiko reakʼ okae gokʼatʼko tahẽkan ona reakʼ mitʼṭecʼ hõ sarecʼ do baṅ tahẽlena, uni do jotogeye purạukeda.

Josuạ 11:13

Menkhan ḍuṅgriko cetanre okako nagraha tahẽkan Israelko do onako reakʼ okaṭakʼge bako jeretʼleda, menkhan Josuạ do eken Hasor nagrahae jeretʼ giḍikada.

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Dosar Biboron 19:1

“Aperen Probhu Isor okaṭakʼ disạme emape lạgidokʼkan onḍe onko boṅgan hoṛ jạtrenko tinreye marao utạrkoa ar onkoakʼ ato, nagraha ar oṛakʼkorepe girobasokʼa,