Josuạ 23:4 - সান্তালী বাইবেল

⁴ Jordan gaḍa khon pạchim jalapuri hạbicʼ okoe jạtrenkoń marao akatʼko ar okoe jạtrenko ńithõ sarecʼ menakʼko onko sanamkoakʼ jaega do apeakʼ gusṭiko talare sompotti lekateń hạṭiń akatʼkoa.

Josuạ 23:4 Referans Kwoze

Josuạ 18:10

Josuạ do Silore Probhu Isor samaṅre Israelko lạgitʼe gulibãṭkeda ar onkoakʼ gusṭi lekate disạm do onḍeye hạṭińatʼkoa.

Josuạ 13:2

Okako jaega ńithõ ạuri dokholokʼ onako modre Misor reakʼ purub secʼ Sihor gaḍa khon ehopʼkate utạr secʼ Ekron reakʼ simạ hạbicʼ Palesṭirenko ar Gesurrenkoakʼ goṭa elaka menakʼa. Niạko elaka do Kananikoakʼ elaka kana. Onḍe do Gasa, Asdod, Askelon, Gat ar Ekron ńutuman mõṛẽ rapajkoakʼ mõṛẽ goṭecʼ nagraha menakʼa, ar dạkhinre do Awikoakʼ elaka kana. Ona chaḍa arhõ aema jaega do dokhol bạki menakʼa, ona do hoyokʼ kana Sidonrenkoakʼ Meara khon Amorikoakʼ sima reakʼ Apheka hạbicʼ Kananiko reakʼ sanam elaka,

Exodus 23:30

Ar lekhare ạuripe saṅgekʼ hạbicʼ goṭa disạm ạuripe dokhol hạbicʼ onko jạtrenko do thoṛa thoṛate disạm khoniń oḍokkoa.

Dosar Biboron 12:29

“Ar okoeko jạtrenko bedokholko lạgitʼpe calakʼkan aperen Probhu Isor do ape samaṅ khon onkoe marao utạrkoa. Menkhan onkope bedokholko tayom onkoakʼ disạmrepe girobasokʼa unre ape do sontorokʼ hoyokʼtapea jemon onkoren debotakoakʼ jhạlire alope paṛaokʼ ar alope kuliya, ‘noko jạtrenko do okaleka akoren debotako sewawako kan tahẽkana mente?’ Arpe men boteja, ‘abo hõ bon onkaea.’

Bikʼcạrko 2:21

Ona iạtege Josuạwakʼ gujukʼ oktere okoe jạtrenko disạmreko tahẽkan onko do Israelko samaṅ khon bạń laga ńirkoa.

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Sereńko 105:11

Uniye metade tahẽkana, “Iń do Kanan disạmiń emama. Ar onage amakʼ bakhra reakʼ sompotti do hoyokʼa.”

Sephaniạ 3:6

Probhu Isore meneda, “Iń do jạt jạtrenkoń marao akatʼkoa; onkoakʼ usul pahra oṛakʼ hõ marao akana. Onkoakʼ hor doń ujạṛ akatʼtakoa; celege onare do bako dãṛãnkana. Onkoakʼ sanam nagraha do marao akana; onḍe do celege bạnukʼkoa ar celege bako girobasokʼ kana.