Josuạ 23:2 - সান্তালী বাইবেল

² Mitʼ din uni do sanam Israelko, metakʼme onkoren mukhiyạko, mathako, bikʼcạrko ar kạmiyạko hohowatʼkoteye metatʼkoa, “Ńelpe, iń do aema umer hoyakantińạ, ariń haṛamena.

Josuạ 23:2 Referans Kwoze

Josuạ 24:1

Inạ tayom Josuạ do Israelren sanam gusṭirenko Sikemre mitʼ ṭhene jarwaketʼkoa. Uni do Israelren murubbiko, mathako, bikʼcạrko ar kạmiyạkoe hohowatʼkoa. Onkate onko do Isor samaṅreko hạjirena.

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.

Dosar Biboron 31:28

Ape do ape gusṭiren murubbiko ar sanam kạmiyạko iń samaṅre jarwakope. Iń do noa metakoń khojkana ar serma ar ot hõ onko upạrte goha mente doho hõń khojkana.

Josuạ 23:3

Ar aperen Probhu Isor do ape lạgitʼ onko jạtrenko cetanre okae ceka akatʼ ona do apeakʼ mẽtʼtegepe ńelana. Aperen Probhu Isor do acʼ apnarge ape huyạteye lạṛhại akana.

Josuạ 13:1

Josuạ do umer ḍher idiyente tinreye haṛamena unre Probhu Isor do uniye metadea, “Am dom haṛamena, ar ḍher umer hoyakana menkhan disạm reakʼ ḍher jaega ńithõ menakʼgea one okaṭakʼ do ạuri dokholokʼ.

1 Samuel 12:2

Ńelpe, ńitokʼ do ape ạyurpe lạgitʼ aperen do mitʼṭen raj menaea. Iń doń haṛamena, ariń pạnḍu caba akana, ar ińren hoponkin hõ ape samaṅrege menakʼkinạ. Iń do juạn umer khon teheń hạbicʼ apeń ạyur ạguakatʼpea.

1 Rapajko 1:1

Dạud raj doe haṛam idiyena ar umer hõ ạḍi ḍher hoyentaea. Ar ḍher kicricʼkote oyokatere hõ uni do bae lolokʼ kan tahẽkana.

1 Rapajko 8:1

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

1 Bõsbudạ 23:2

Dạud do Israelren sanam mukhiyạko, naekeko ar Liwikoe jarwa mitʼketʼkoa.

1 Bõsbudạ 27:27

Darkha bagwan reakʼ bhar do Ramathi Simaye cetanre tahẽkana. Ar bagwan khon oka darkha rasa ńamokʼkan tahẽkan ona murại reakʼ bhar do Sphmi hoṛ Sabdiye cetanre tahẽkana.