Josuạ 23:11 - সান্তালী বাইবেল

¹¹ Onate aperen Probhu Isorakʼ dulạṛ reakʼ purạte moneyakʼpe.

Josuạ 23:11 Referans Kwoze

Josuạ 22:5

Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

1 Korinthiko 8:3

Menkhan okoe Isore dulạṛede kan, Isor do eken unigeye baḍaeyede kana.

Exodus 20:6

Menkhan okoe ińko dulạṛiń ar ińakʼ hukum lekako calakʼ, onko do hajar piṛhi hạbicʼ iń dayawakoa.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 4:15

“Horeb burure oka hilokʼ Probhu Isor do seṅgel tala khon ape ṭhene roṛletʼ enhilokʼ ape do uniyakʼ mẽtʼãhã bape ńelńamletʼtaea. Ona iạte ape do ape cetanre nońjorpe dohoya,

Josuạ 23:10

Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

Dosar Biboron 30:16

Teheń ape ṭhen ińakʼ hukum do noage, aperen Probhu Isorpe dulạṛea, uniyakʼ hortepe calakʼa ar uniyakʼ hukum ar niạmkope manaotaea. Enḍekhan ape do jiwetʼpe tahena ar lekhatepe saṅge idikʼa, ar okaṭakʼ disạm dokhol lạgitʼpe senokʼkan onḍe aperen Probhu Isor do apeye bhorapea.