Josuạ 22:18 - সান্তালী বাইবেল

¹⁸ ar ńitokʼ arhõ ape do Probhu Isorakʼ hor khon ghańjeṛokʼpe meneda? Teheń Probhu Isor upạrtepe hul enḍekhan gapage uni do aboakʼ goṭa Israel manḍerko cetanre edreye sodortaea.

Josuạ 22:18 Referans Kwoze

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Josuạ 22:16

“Probhu Isorakʼ manḍerren jotogeko meneda, ‘Israelren Isor upạrte cedakʼ nonka dope kạmikana? Cedakʼ teheń do Probhu Isorakʼ hor khonpe ghańjeṛ akana ar uni upạrte hulkate ape lạgitʼ pinḍpe benao akada?

2 Bõsbudạ 34:33

Josiạ do Israelko tabereko tahẽkan sanam disạm khon Hirkhạwan joto lekan boṅga murtikoe sạṅgiń giḍiketʼkoa ar Israelre jarwa akan sanamko salakʼ uni do Probhu Isore sewawadea. Uni tinạkʼ din jiwetʼe tahẽkan unạkʼ din hoṛko do onkoren hapṛamkoren Probhu Isorakʼ horteko calakʼkan tahẽkana.

2 Bõsbudạ 25:27

Amasiạ do Probhu Isorakʼ hor khone ocokʼen khan hoṛko do Jerusalemre uni upạrteko soṛojontrokeda. Onate uni do Lakisteye dạṛkeda, menkhan hoṛko do Lakhiste hoṛ kolkate onḍeko gocʼkedea.

1 Bõsbudạ 21:14

Unre Probhu Isor do Israel cetanre mitʼṭecʼ mahamạriye kolkeda ar onate Israelren eaegel hajar hoṛko gocʼena.

1 Bõsbudạ 21:1

Soetan do Israelko upạrteye teṅgoyena. Uni do Dạudakʼ monre Israelko lekhako lạgitʼe uskurkedea.

2 Rapajko 17:21

Probhu Isor do Dạudakʼ bõs khon Israelko tinreye cirạ begarketʼkoa unre onko do Nabatren hopon Jerobiam akoren rajko benaokedea. Ar Jerobiam do Probhu Isorakʼ hor khon Israelkoe ghańjeṛ idiketʼkote onko do maraṅ okocʼe kại ocoketʼkoa.

1 Rapajko 9:6

“Menkhan ape se aperen hoponko ińakʼ hor khonpe ghańjeṛokʼ ar ape ṭhen emakan ińakʼ hukum ar ạn-ạriko manao baṅkate debotakope sewawako,

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

1 Samuel 12:20

Samuele roṛ ruạṛkeda, “Alope botorokʼa. Apepe kại akatʼrehõ enhõ Probhu Isor ṭhen khon pharakokʼ baṅkate goṭa ontorte uni sewawaepe.

1 Samuel 12:14

Ape do Probhu Isorpe botorae, arpe sewawae ar uniyakʼpe bataotaete uni upạrte bape taṛam, ar okoe apeye ḍanṭaope uni aperen raj ar aperen Probhu Isorakʼ sana lekape calakʼ, enḍekhan do bhagegea.

Josuạ 22:20

Okako jinis do ḍahao maraokʼ reakʼ kan ona reaṅ Sera hopon Akan do bepạtiạricʼe hoylente Probhu Isorakʼ edre goṭa Israelko cetanre cetʼ baṅ paṛaolena? Uni do acʼakʼ kại iạte eskar do bae gocʼlena.’ ”

Josuạ 7:21

iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Dosar Biboron 7:4

ente onko kuṛiko do iń ṭhen khon aperen hoponkoko pharakkoa ar onkoren debotako sewa ocokoa. Onate Probhu Isorakʼ edre seṅgel do ape upạrte jolokʼa ar apeye marao utạrpea.

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Numeri 32:15

Ar uniyakʼ katha leka jodi bape calakʼ, enḍekhan niạ dhao hõ hahaṅkarre uni do noko hoṛkoe doho giḍikakoa, ar ape iạtege onkoakʼ maraokʼ do hoyokʼtakoa.”

Josuạ 22:15

Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,