Josuạ 22:13 - সান্তালী বাইবেল

¹³ Onko do naeke Eleasarren hopon Phinehas do Gileadre Ruben ar Gad gusṭiren hoṛko ar Manase gusṭiren adha hoṛ ṭhenko kolkadea.

Josuạ 22:13 Referans Kwoze

Numeri 25:7

Noa ńelketʼ khan naeke Aronren goṛomtetʼ koṛa Eleasarren hopon Pinehas do manḍerrenko ṭhen khon beretʼkate borlome hataokeda ar uni Israel hoṛ tayom tayomte uniyakʼ tạmbu bhitriteye boloyena ar borlomte bana hoṛe gathao mitʼketʼkinạ. Ar ona tayom Israelko mod khon mahamạri do thirena.

Exodus 6:25

Eleasarren hopon doe hoyokʼ kana Pinhas. Aronren hopon Eleasar do Putialren hoponerae baplaledea ar uniren do Pinhase janamena. Nokoge Lewi gusṭiren mathako tahẽkana.

Mathae 18:15

“Amren boeha am upạrteye kại lekhan uni ṭhen senokʼme ar aben eskar tahenrege uniyakʼ dosko lại bujhạuaeme. Ar amakʼ kathae ańjom khan enḍekhan amren boeham dom ńam ruạṛkedea.

Kạhtukko 20:18

Solhakate goṭaeme; ar buj sujkate lạṛhại reakʼ lại saḍeme.

Bikʼcạrko 20:12

Onko do Benjamin ṭoṭha reakʼ sanam jaegare hoṛ kolkateko kuliyana, “Apeko modre nonkan bạṛicʼakʼ kạmi do cekatepe kạmikeda?

Dosar Biboron 13:14

Ar onage hoyokʼ khan ape do mońj okocʼte suṭhik hataokate biḍạu aṭkarpe. Ar sạrikana mente sạbudlen khan bạṛicʼ utạrakʼ kạmi ape talare hoyakante,

Numeri 31:6

Ar Mose do mimitʼ gusṭiko khon mitʼ hajarkate hoṛ hataokate lạṛhại lạgitʼe kolketʼkoa. Onko sãote naeke Eleasarren hopon Pinhas hõ lạṛhại lạgitʼe kolkedea. Uni do thoṛa sonot jinisko ar pẽpṛẽtʼkine soṅge torakeda.

Josuạ 24:33

Inạ tayom Aronren hopon naeke Eleaser hõe gocʼen khan uni do Gibeareko topakadea. Noa Ephrayim buru ṭoṭha reakʼ ṭhạ̃i do uniren hopon Phinehase emocolena.

Numeri 32:1

Ruben ar Gad gusṭiren hoṛkoren do ạḍi aema bhiḍi merom ar ḍaṅgra palko tahẽkantakoa . Onko do Jaser ar Gilead disạm do janwar ạsulko lạgitʼ ạḍi napae jaegakana menteko ńelketʼ khan,

1 Bõsbudạ 9:20

Ona jokhecʼ Eliaserren hopon Pinehas cetanre do rurukhiyạko ńel todarotko reakʼ bhar tahẽkana ar Probhu Isor hõ uni sãoteye tahẽkana.

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.