Josuạ 21:8 - সান্তালী বাইবেল

⁸ Mose hotete emakʼ Probhu Isorakʼ hukum leka Israelko do gulibãṭkate niạko ato ar nagraha ar ona sãoteakʼ ạtiń ṭạnḍiko Liwikoko ematʼkoa.

Josuạ 21:8 Referans Kwoze

Josuạ 21:3

Onate Probhu Isorakʼ hukum lekate Israelko do akoakʼ sompotti khon adomakʼ ato ar ạsul janwarko lạgitʼ ạtiń ṭạnḍiko ematʼkoa.

Kạhtukko 18:18

Gulibãṭkate jhogṛa do mucạdokʼa ar daṛeanko talare hõ ona doe chinḍạua.

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Josuạ 18:6

Disạm reakʼ ona eae hạṭiń reakʼ mimitʼ goṭecʼ babotre jotowakʼ olkate iń ṭhenpe ạguiya, ar iń do aboren Probhu Isor samaṅre ape lạgitʼ iń gulibãṭa.

Numeri 35:3

Onate Liwiko do tahen lạgitʼ nagrahako ńama ar onkoren ḍaṅgrako, bhiḍiko, meromko ar judạ judạ ạsul janwarko lạgitʼ ạtiń ṭạnḍi hõko ńama.

Numeri 33:54

Ape do loṭarikate judạ judạ bõsrenkoakʼ jaegape ṭhik dohoakoa. Ar bõsren hoṛkoakʼ lekha ḍher hoylen khan ḍher jaega ar kom hoylen khan do kom jaegape emakoa. Loṭarikate oka bõsrenko lạgitʼ jaega okare rakabokʼ ona bõsrenko do ona jaegage emako hoyokʼa. Gusṭiren judạ judạ bõsko do gusṭiko talarege jaegako ńama.

Numeri 32:2

onko do Mose ar naeke Eleasar ar Israelren mukhiyạko ṭhen senkateko menkeda,

Genesis 49:5

“Simeon ar Lewi banar boeha; unkin do jor bojor lạgitʼge tarwaṛekin sapʼeda.

Josuạ 21:7

Ruben, Gad ar Sebulon gusṭirenkoakʼ jaega khon Merari bõsren judạ judạ gharońjrenko do gelbar goṭecʼ ato ar nagrahako ńamkeda.

Josuạ 21:9

Liwikoren Kohat gharońjrenko talare gulibãṭ hoyen khan Aronren hoponkoakʼ ńutum rakapʼena. Onate Jihudạ ar Simeon gusṭirenkoakʼ jaega khon adomakʼ ato ar nagraha do onkoko ematʼkoa.

Genesis 49:7

Unkinakʼ kurkurạukʼ edre, ar kurmutạha do sarapanakʼ baṛe hoyokʼma. Unkin gusṭirenko do Jakobakʼ bõsko talareń hạṭińkoa, ar Israelko talareń chirchạturkoa.