Josuạ 2:24 - সান্তালী বাইবেল24 Unkin do Josuạkin metadea, “Noa katha do sạri kana je, Probhu Isor do goṭa disạmge aboakʼ tireye jimạ akada. Abo botorte onḍenko hoṛ do jiwi oṭaṅ akantakoa.” Gade chapit la |
Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.
Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.