Josuạ 2:19 - সান্তালী বাইবেল

¹⁹ Unre jãhãege amakʼ oṛakʼ khon ḍaharteye oḍokokʼ enḍekhan uni do acʼge acʼakʼ gujukʼ lạgitʼ dạyike hoyokʼa. Ale do uni lạgitʼ dạyi bale tahena. Menkhan okoe am tulucʼ noa oṛakʼreko tahen onko cetanre jãhãege tiye tul enḍekhan uniyakʼ gujukʼ lạgitʼ do alege dạyile tahena.

Josuạ 2:19 Referans Kwoze

Aposkạmi 27:31

Unre Pạul do subedar ar palṭonkoe metatʼkoa, “Noko cakʼlaoko jahajre bako tahen khan rukhiyạ ohope ńamlea.”

Aposkạmi 18:6

Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Aposkạmi 20:26

Onate teheń pusṭạuteń lạiyape kana, iń do okoeyakʼ mãyãm reakʼ hõ dạyik doń baṅkana,

Mathae 24:17

Ar sạṛimre menaeicʼ do oṛakʼ khon jãhãnakʼ hatao lạgitʼ latarte aloe pheḍokʼma.

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

2 Samuel 4:11

Enḍekhan mitʼṭen bindusạn hoṛ okoe do uniyakʼ oṛakʼre bolokate aṭetʼreye khũn akade, uni bạṛicʼ hoṛ cetʼ artetʼge bạń sạjạiyea. Ona iạte iń do apeakʼ ti khon uniyakʼ mãyãm reakʼ iń hala hạliya ar dhạrti khon apeń meṭao cabapea.”

2 Samuel 1:16

Dạud do unre uni koṛae metadea, “Amakʼ gujukʼ lạgitʼ dạyi dom amkangea, ente amakʼ moca kathage am upạrte gohae emeda, Probhu Isorren ojokʼ akade hoṛem gocʼ akadea mente.”

Josuạ 2:14

Ona katha ańjomkate unkin hoṛ dokin menkeda, “Ạliń do ạlińakʼ katha leka bạliń kạmi enḍekhan ape bodolte ạlińakʼ jiwi calakʼma. Ar ạlińakʼ katha okoe ṭhen hõ bam sodor enḍekhan tinre Probhu Isor do niạ disạm aleye emalea unre ale do ape sãote mońjle beohara ar ape cetanre pạtiạrankole tahena.”

Levitikus 20:11

Okoe acʼren kạki gogo tulucʼe giticʼmidokʼ uni do apattetʼe bemanot edekana. Are onka lekhan uni ar acʼren kạki gogo banarge gocʼkin hoyokʼa. Ar unkin do gujukʼ lạgitʼ apnarge dạyikin hoyokʼa.

Levitikus 20:9

“Jãhãeakʼ kathare gogo ar baba lạgitʼ bemanot tahen uni do khạṭigeye gocʼ ocokʼa. Ar ona bemanot iạte gujukʼ do apnargeye dạyikana.

Josuạ 2:12

Iń do aben cetanreń pạtiạu akana, onate ńitokʼ aperen Probhu Isor ńutumte iń kiriạwạń ben jemon, aleakʼ gharońj cetanre hõ pạtiạran ben tahen. Ar nonkan mitʼṭecʼ cinhạ imạń ben jemoniń bujhạu daṛeakʼ,

Josuạ 2:20

Ar ạlińakʼ noako katham lại pasnao enḍekhan ạliń okam kiriạ ocoakatʼ liń ona khon do chaḍao liń ńama.

Exodus 12:22

Ona tayom mitʼ ạṭi busupʼ hataokate bạṭire dohoakan mãyãmrepe topoya ar banarsa cạukaṭ ar cetan kaṭre hõpe jotʼakʼa; ar ạuri setagokʼ hạbicʼ okoehõ oṛakʼ bahrete alope oḍokokʼa.