Josuạ 2:10 - সান্তালী বাইবেল

¹⁰ Misor disạm khon oḍok hecʼen tayom Probhu Isor cetʼleka arakʼ doreão reakʼ dakʼ ape samaṅ khone ańjetʼ ocoletʼ ona hõle ańjomakada. Sihon ar Og ńutuman jordan gaḍa purub secʼren Amorikoren barea rajakʼ oka dosape hoyoco akatʼ tạkin ona hõle ańjom akatʼa.

Josuạ 2:10 Referans Kwoze

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Numeri 23:22

Uni do Misor khon onkoe oḍok ạgu akatʼkoa, bir ḍaṅgrawakʼ daṛe leka onkoakʼ daṛe do.

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”

Numeri 20:14

Tayomte Mose do Kades khon hoṛe kolketʼkote Edom disạmren raj ṭhene roṛgotʼkada, “Amren Israel boehako kanale, ale do mitʼṭecʼ katha lạiyamle meneda. Am do aleakʼ duk reakʼ katha dom baḍaegea.

Numeri 24:8

Isor do Misor khon onkoe oḍok ạgu akatʼkoa, ar unige onkoren bir ḍaṅgrawakʼ daṛe leka do. Onko upạrte okoe jạtrenko teṅgona onko doe utʼ cabakoa, onkoakʼ jaṅ doe rạpudtakoa, ar sarte onko doe tuńkoa.

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Sereńko 74:15

Am do jharna ar huḍiń gaḍako reakʼ horem jhicʼ akada; ar jug khon ạtukʼkan gaḍako do amgem ańjetʼ ocoakada.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.

Josuạ 24:12

Iń do ape laha lahate ńele koń kolketʼkoa; ar ńele do ape samaṅ khon Amorikoren unkin rajko laga ńirketʼkinạ. Apeakʼ tarwaṛe se akʼ-sarte noape onka akada ona do baṅa.