Josuạ 2:1 - সান্তালী বাইবেল

¹ Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 2:1 Referans Kwoze

Ibriko 11:31

Biswạs iạtege Rahab kusmbi do Jerikho nagrahareko tahẽkan bebatao hoṛko sãote bae nosṭolena, ente uni do unkin disạm ciyạkin peṛa lekae ataṅ aderletʼkinạ.

Jakob 2:25

Rahab kusmbi do cekate dhorom menteye lekha ocolena? Uni do Jihudiren paṭhaonakine okoletʼkinạ ar eṭakʼ horteye kolgotʼkatʼkinạ, ar noa kạmi iạte dhorom menteye aṅgocena.

Mathae 1:5

Salmon do Boas jonome emadea Rahab hotete; Boas do Obed jonome emadea Rut hotete; Obed do Jisại jonome emadea;

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Josuạ 3:1

Josuạ do ạḍi setakʼreye beretʼente sanam Israelko soṅgekate Siṭim khon uṭhạuente jordan gaḍa ṭhene calaoena. Ar gaḍa ạuriko paromokʼ hạbicʼ onḍegeko tahẽyena.

Numeri 13:2

“Israelko okaṭakʼ disạm emakoń menetʼkan ona Kanan disạm cikʼyạ ạgui lạgitʼ am do gelbar gusṭirenko khon mitʼ hoṛkate mukhiyạko kolkom.”

Bikʼcạrko 18:17

Unre uni naeke do turui sae hoṛko sãote onḍeye teṅgo akan tahẽkana. Ar disạm reakʼ khoj khobor okoeko ạguletʼ onko mõṛẽ hoṛ do bhitrite bolokate goṛhon muṭhạnko, ephod, deb muṭhạnko ar dul muṭhạnkoko hataoketʼkoa.

Bikʼcạrko 18:2

Ona iạte Dan gusṭirenko do Sora ar Estaol khon akoren mõṛẽ goṭen bir banṭa hoṛ do khobor hatao lạgitʼko kolkatʼkoa jemon onko do mońj okocʼte disạmko ciyạ ạgu daṛeakʼ. Onate onko do bir banṭa hoṛko metatʼkoa, “Ape do disạm reakʼ mońjtepe ciyạ ạguitabona.” Onate onko hoṛ do Ephrayim reakʼ buru ṭoṭhate senkateko boloyena ar ńindạ do Mikạwakʼ oṛakʼreko tahẽ aṅgayena.

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Numeri 33:49

Nonḍe doko ḍeralena jordan gaḍa aṛe reakʼ Moab otet reakʼ Beth-jesimot khon Abel Siṭim nagraha hạbicʼ.

Bikʼcạrko 18:14

Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”

Josuạ 1:18

Ar jãhãege amakʼ hukum upạrteye teṅgokʼ ar amakʼ katha leka bae calakʼ enḍekhan uni doe gocʼ ocokʼa. Am do eken daṛean hoyokʼme ar dil dohojoṅme.”

Josuạ 2:2

Unre Jerikho nagraharen rajakʼ luturre seṭerena baṅma disạm cikʼyạ lạgitʼ Israelren bar hoṛ do ạyupʼ jokhecʼ nonḍe kin hecʼakana.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Genesis 42:9

Unre uni do onko reaṅe kukmũletʼ reakʼ katha disạ hecʼadea. Uni do onkoe metatʼkoa, “Ape dope disạm cikʼyạ hoṛ kanape. Aleakʼ disạm reakʼ okako jaegare rurukhiyạ reakʼ bebosta bạnukʼ onako ńel lạgitʼgepe hecʼakana.”

Genesis 42:16

Aperen huḍiń utạricʼ boeha ạguye lạgitʼ ape modren mitʼhoṛ kolkaepe, ar sarecʼko do jotoge bondi akanpe tahẽ hataṛokʼa. Ar apeakʼ katha sạri kana se baṅa ona sạbudokʼa. Menkhan uni nonḍe bape ạguye enḍekhan Pharao ńutumteń kiriạkʼkana ape do disạm cikʼyạ hoṛ kangeape.”

Numeri 13:1

Inạ tayom Probhu Isor do Moseye galmaraoadea,

Bikʼcạrko 1:23

Onko do nagraha mońjteko ńel ạguketʼ tayom onḍe thoṛagan hoṛko kolkatʼkoa. Bethel reakʼ laha ńutum do Lus tahẽkana.