Josuạ 18:3 - সান্তালী বাইবেল

³ Onate Josuạ do Israelkoe metatʼkoa, “Aperen hapṛamkoren Probhu Isor okaṭakʼ disạm sompotti lekateye emakawatʼpe ona hat lạgitʼ do ar tinạkʼpe biloma?

Josuạ 18:3 Referans Kwoze

Kạhtukko 13:4

Asketicʼ do ńam baṛaeye khoja menkhan cetʼge bae ńama, menkhan khaṭaokʼkan hoṛ do acʼakʼ khojokʼakʼ khon hõ ḍhere ńama.

Bikʼcạrko 18:9

Onkoko roṛ ruạṛkeda, “Oka jaegale ńel ạguketʼ ona do ạḍi mońjgea. Dela, abo do onko bon akromonkoa. Ape do cetʼ duṛupʼ hape akaepe tahena? Onḍe jaega dokhol do alope biloma.

Mathae 20:6

Arhõ uni do huḍiń dakʼ lo ber okte oḍok senkate eṭakʼko teṅgo akane ńamketʼko khane metatʼkoa, ‘ạuṛiyakʼ do cedakʼpe teṅgo akana?’

Kạhtukko 15:19

Asaṅpoḍa hoṛakʼ hor do jạnum jhạuạkote ṭạṭi esetʼ akatʼ hor leka, menkhan dhorom hoṛakʼ hor do sạriạugetakoa.

Kạhtukko 10:4

Asketokʼ ti do manwae reṅgecʼ ocoyea, menkhan khaṭaokʼkan ti doe kisạ̃ṛokʼa.

Sephaniạ 3:16

Enhilokʼ am dom men ocokʼa, “E Sion kuṛi alom botorokʼa, ar alogem as chuṭạukʼa.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Josuạ 18:4

Ape do mimitʼ gusṭiko khon pepe hoṛkate bachaokope. Onko do jemon mońjte disạm ńelkateko ol ạgui ar iń do onkoń kolkoa jemon akoakʼ gusṭirenko sompottiko hạṭiń daṛeako. Ar kạmi sạt baṛakate iń ṭhenko ruạṛ hijukʼ.

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Josuạ 13:1

Josuạ do umer ḍher idiyente tinreye haṛamena unre Probhu Isor do uniye metadea, “Am dom haṛamena, ar ḍher umer hoyakana menkhan disạm reakʼ ḍher jaega ńithõ menakʼgea one okaṭakʼ do ạuri dokholokʼ.