Josuạ 17:7 - সান্তালী বাইবেল

⁷ Manase gusṭikoakʼ simạna do Aser khon ehopʼkate Sikem ṭhenakʼ Mikmithat hạbicʼ senena. Ar ona tayom do dạkhin secʼ sen idiyena, onate En-Tapuaren hoṛko do Manase gusṭirenkoakʼ elakakore paṛaoena.

Josuạ 17:7 Referans Kwoze

Josuạ 21:21

Ephrayim gusṭirenkoakʼ buru ṭoṭha modre Sikem, Geser, Kibsayim ar Bet-Horon ńutumanakʼ ponea ato ar nagraha ar onako sãote aṭiń ṭạnḍi hõko emocoyena. Inạ modre Sikem do tahẽkana khũniyạhiko lạgitʼ asrayokʼ nagraha.

1 Bõsbudạ 6:67

Ephrayim buru ṭoṭha khon Asrayokʼ nagraha Sikem, Gesor, Jokmiam, Beth-Haron, Oyalon ar Gat-Rimon ar onako beṛhaeteakʼ janwar ạtiń ṭạnḍiko ńamkeda.

1 Rapajko 12:25

Ona tayom Jerobiam do Eprayim buru ṭoṭha reakʼ Sikem do gaṛ nagraha lekae benaokeda ar onḍe girobasokʼe ehopʼena. Uni do onḍe khon senkate Penuel hõ gaṛ lekae benaokeda.

1 Rapajko 12:1

Rehobiam do Sikemteye senena, ente sanam Israelko do uni raje lạgitʼ onḍeko senakan tahẽkana.

Bikʼcạrko 9:1

Jerubakʼalren hopon Abimelek do Sikemre acʼ mamottetʼtako ṭhen senkate onko ar acʼ eṅgattetʼren eṭakʼ sanam bõskoe metatʼkoa,

Josuạ 24:32

Israel hoponko do Misor disạm khon Josephakʼ oka jaṅkoko ạgu daraletʼ, ona do Sikemreko topakada. Noa jaega Jakob do Sikemren apattetʼ Hamorren hoponko ṭhen khon mitʼ sae rupạ ṭakateye kirińleda. Noa jaega do Joseph bõsrenkoakʼ sompotti talare tahẽkana.

Josuạ 24:1

Inạ tayom Josuạ do Israelren sanam gusṭirenko Sikemre mitʼ ṭhene jarwaketʼkoa. Uni do Israelren murubbiko, mathako, bikʼcạrko ar kạmiyạkoe hohowatʼkoa. Onkate onko do Isor samaṅreko hạjirena.

Josuạ 20:7

Ona iạte Israelko do asrayokʼ nagraha lekate Napthali gusṭirenko do buru ṭoṭhare menakʼ Gạlil reakʼ Kedesre, Ephrayim gusṭirenkoakʼ do buru ṭoṭha reakʼ Sikemre ar Jihudạ gusṭirenkoakʼ do buru ṭoṭha reakʼ Kiriat-Arbare, metakʼme Hebron doko begar dohokeda.

Genesis 37:14

Israel do arhõe menkeda, “Amren dadamtako ar bhiḍi-meromko cetʼleka menakʼkoa senkate ona reakʼ khoborem ạguạńạ.” Ar noa menkate Joseph do Hebron reakʼ buru lodam khone kolkadea. Joseph do tinre Sikemteye seṭerena unre mitʼṭen hoṛ do bilạn ṭạnḍire ạcur baṛaekan ńelkedeteye kulikedea, “Cetʼem sendra baṛakana?”

Genesis 37:12

Tayomte Josephren boehako do akoren apattetʼren merom ar bhiḍi gupiko lạgitʼ Sikemteko calaoena.

Josuạ 17:6

Ente Manase gusṭiren noko kuṛiko do ako gusṭiren koṛa hoponko sãote sompotti reakʼ ạidạriko ńamkeda; ar Manase gusṭiren sarecʼ bõsko do Gilead ṭoṭhako ńamkeda.

Josuạ 17:8

Tapua reakʼ aḍepase jaegako do Manase gusṭirenkoakʼ hạṭińrege paṛaolena menkhan Manase gusṭirenkoakʼ simạna sãote ropokʼ mitʼakan Tapua nagraha do Ephrayim gusṭirenkoakʼ ạidạrire paṛaoena.

Sereńko 60:6

Isor do acʼakʼ sonot ńutumteye meneda, “Iń do rạskạ salakʼ Sikemiń hạṭińa, ar Sukot reakʼ tapol jaegań soṅa.