Josuạ 17:4 - সান্তালী বাইবেল

⁴ Noko kuṛiko do naeke Eliaser ar Nunren hopon Josuạ ar murubbiko ṭhen senkateko menkeda, “Aleakʼ gusṭiren hoṛko talare ale hõ sompotti reakʼ mitʼṭecʼ hĩs emale lạgitʼ Probhu Isor do Moseye hukumade tahẽkana.” Noa katha ańjomkate Josuạ do Probhu Isorakʼ hukum leka onkoren apatren boehako sãote onkoakʼ sompotti reakʼ ạidạriye ematʼkoa.

Josuạ 17:4 Referans Kwoze

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Josuạ 14:1

Eṭakʼ Israelko do Kanan disạmre sompotti lekate jaega jumiko ńamkeda. Naeke Eliaser, Nunren hopon Josuạ ar Israelren judạ judạ gusṭi ar gharońjren mukhiyạko do onako hạṭińatʼkoa.

Josuạ 17:5

Jordan reakʼ purub secʼ Gilead ar Bason chaḍa hõ Manase gusṭirenko do hạṭińre arhõ gel goṭecʼ jumiko ńamkeda,

Numeri 27:1

Selophadren hoponerako do Josephren hopon Manase bõsrenko tahẽkana. Manaseren hopon Makir, Makirren hopon Gilead, Gileadren hopon Hephor ar Hephorren hopon Selophad. Selophadren hoponerakoakʼ ńutum do hoyokʼ kana, Mahla, Noa, Hogla, Milkạ ar Thirsa.

Numeri 27:4

Menkhan aleren babawakʼ ńutum do acʼakʼ bõs khon cedakʼ maraokʼtaea? Onate aleren babaren bõsren hoṛko sãote ale hõ sompotti reakʼ ạidạri emaleme baṛe.”

Numeri 36:10

Unre Mahala, Thirsa, Hogla, Milkạ ar Noateko ńutuman Selophadren hoponerako do Mose hotete emakʼ Probhu Isorakʼ hukum lekageko kạmikeda.

Josuạ 21:1

Liwi gusṭiren mathako do naeke Eleasar, Nunren hopon Josuạ ar Israelkoren judạ judạ bõsren mathako ṭhenko senena.