Josuạ 17:15 - সান্তালী বাইবেল

¹⁵ Josuạ do roṛ ruạṛatʼkoteye metatʼkoa, “Aperen hoṛko lekhare nunạkʼko ḍherge khan ar Ephrayim buru ṭoṭhare bape sahobokʼkan khan tobe do Pherisiko ar Rephiyikoakʼ disạm reakʼ bir gajaṛko makʼ saphakate jumiko benao joṅpe.”

Josuạ 17:15 Referans Kwoze

Genesis 14:5

Ar ona dosar bochor do Kedarlaomer raj ar uni sãotenko do senkate Rephayimko, Susiko, Emiko, Hamrenko bhagaoketʼkoa. Ar Rephayimko do Asterot Karnạimren, Susiko do Hamren, Emiko do Sawe kiriạthạimren ar Horiko do El- Paran reakʼ Seyir buru ṭoṭhareko bhagaoketʼkoa. El-Paran do hahaṅkar ṭoṭhare tahẽkana.

Genesis 13:7

Onate Abram ar Lotren gutiko talare jaoge jhogṛa hoyokʼkan tahẽkana. Ona chaḍa onako oktere Kananrenko ar Pheresiko hõ ona disạmreko girobasokʼ kan tahẽkana.

Luk 12:48

Menkhan okoe begor baḍaete sạjại ńam reakʼe kạmi akatʼ uni do thoṛageye sạjại ocokʼa. Ar ḍhere em ocoakanicʼ ṭhen khon do ḍhergeko hataoa ar ḍhere jimạ ocoakan hoṛ hõ bạ̃ṛtiko koeyea.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

2 Samuel 5:22

Tayomte Philisṭiko do arhõ hecʼkate Rophayim otetreko pasnaoena.

2 Samuel 5:18

Ar Philisṭiko do hecʼkate Rephayim reakʼ buru otetekoreko pasnao idiyena.

Exodus 33:2

Iń do ape laha lahate mitʼṭen serma goḍet iń kolea ar uni do ona disạm khon Kananrenko, Amorirenko, Hittirenko, Pherisirenko, Hiwirenko ar Jebusirenkoe laga ńirkoa.

Genesis 15:20

Hittiko, Pherisiko ar Rephayiko,

Josuạ 17:14

Joseph gusṭiren hoṛko do senkate Josuạko metadea, “Sompotti lekate cedakʼ am do eken mitʼ hạṭińem ematʼlea? Probhu Isorakʼ ạsirbad iạte aleakʼ lekha do ḍhergetalea.”

Josuạ 17:16

Joseph gusṭiren hoṛko roṛ ruạṛkeda, “Buru reakʼ onako jaegare ale do bale sahobokʼa ar okoe Kananiko bilạn ṭạnḍi reakʼ Bet-Sean ar ona aḍepase atokore ar Jisreyel lodamreko girobasokʼ kan onko sanamko do mẽṛhẽtʼ reakʼ rãt gạḍiko menakʼtakoa.”

2 Samuel 18:6

Ar lạṛhại phạdko do Israelko upạrte bilạn ṭạnḍiteko oḍok calaoena. Ar Ephrayim reakʼ birreko lạṛhạiyena.

Bikʼcạrko 17:1

Ephrayim reakʼ buru ṭoṭhare Mikạ ńutuman mitʼṭen hoṛe tahẽkana.