Josuạ 17:14 - সান্তালী বাইবেল

¹⁴ Joseph gusṭiren hoṛko do senkate Josuạko metadea, “Sompotti lekate cedakʼ am do eken mitʼ hạṭińem ematʼlea? Probhu Isorakʼ ạsirbad iạte aleakʼ lekha do ḍhergetalea.”

Josuạ 17:14 Referans Kwoze

Genesis 48:22

Amren boehako khon thoṛa ḍher ńokʼ sompottiń ematʼmea. One okaṭakʼ jaega do tarwaṛe ar akʼsarte lạṛhạikate Amorikoakʼ ti khoniń hatletʼ ona jaegage am doń ematʼmea.”

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

Numeri 13:7

Isakar gusṭiren Joseph hopon Jigal;

Josuạ 16:4

Josephren hopon Manase ar Ephrayim gusṭiren hoṛko do niạko sompottigeko ńamkeda.

Josuạ 17:15

Josuạ do roṛ ruạṛatʼkoteye metatʼkoa, “Aperen hoṛko lekhare nunạkʼko ḍherge khan ar Ephrayim buru ṭoṭhare bape sahobokʼkan khan tobe do Pherisiko ar Rephiyikoakʼ disạm reakʼ bir gajaṛko makʼ saphakate jumiko benao joṅpe.”

Jeheskel 48:5

Ephrayim hõ mitʼṭecʼ hĩse ńama; ona do hoyokʼa purub khon pạchim Manase simạna reakʼ dạkhin hạbicʼ.

Genesis 48:20

Ona tayom Israel do unkin banar hopone bhoratʼkinạ are menkeda, “Israelko jãhãegeko bhorako jokhecʼ abenakʼ ńutum ńumkateko mena, ‘Isor do Ephrayem ar Manase lekae hoyocomema.’ ” Noa menkate uni do Manase khon Ephrayemge lahareye dohokedea.

Numeri 26:54

Okaṭakʼ gusṭiren hoṛko saṅgege ona gusṭiren do ḍher ar okaṭakʼ gusṭiren hoṛko thoṛage ona gusṭiren lạgitʼ do thoṛa jaegam emakoa. Mimitʼ gusṭiren hoṛ do akoakʼ lekha lekage jaegako ạidạri joṅa.

Numeri 36:12

Onko do Josephren hopon Manase bõsregeko baplayena. Onate onkoakʼ sompotti do akoren apattetʼakʼ bõs ar gusṭirege tahẽyena.