Josuạ 16:5 - সান্তালী বাইবেল

^5-6 Ephrayim gusṭiren judạ judạ bõskoakʼ jaega do hoyokʼ kana: purub secʼ onkoakʼ sompotti reakʼ simạna do Atarot-Adar khon ehopʼkate cetan reakʼ Bet-Horonte senkate jalapuri hạbicʼ calaoena. Ona tayom utạr secʼte ona simạna do Mikmathot khon ạcurkate purub secʼ Tanot-Silo paromkate Jano purub secʼ calaoena.

Josuạ 16:5 Referans Kwoze

Josuạ 18:13

Onḍe khon simạna do Lus, metakʼme Bethel dạkhin reakʼ dhasna secʼte senkate latar Bet-Horon reakʼ dạkhinre okaṭakʼ buru menakʼ ona buru cetan reakʼ Atarot-Adarte pheḍ calaoena.

Josuạ 16:2

Bethel khon ona do Luste senena ar Lus khon Atarotte Arkikoakʼ jaega hạbicʼ.

Josuạ 10:10

Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

1 Bõsbudạ 7:24

Uniren hoponerawakʼ ńutum do Sira tahẽkana. Ar Sira do cetan ar latar Beth-Aron ar Usen-Sira atoye benao rakapʼleda.

Jeheskel 48:5

Ephrayim hõ mitʼṭecʼ hĩse ńama; ona do hoyokʼa purub khon pạchim Manase simạna reakʼ dạkhin hạbicʼ.

2 Samuel 2:9

Ar Isbot do Gilead, Asuri, Jisreyel, Ephrayim, Benjamin, metakʼme sanam Israel disạm cetanreye raj akade tahẽkana.

1 Bõsbudạ 7:28

Bethel ar ona beṛhaeteakʼ atoko, purub secʼ Naron, pạchim secʼ Gesor ar ona beṛhaeteakʼ atoko do Ephrayimakʼ jaega jumi ar tahen oṛakʼko tahẽkana. Ona chaḍa Sikem ar ona reakʼ atoko khon Oya ar ona reakʼ atoko hạbicʼ onkoakʼ ṭoṭha tahẽkana.