Josuạ 16:3 - সান্তালী বাইবেল

³ Ona tayom simạna do pạchim secʼ pheḍ hecʼente latar reakʼ Bet-Horon ṭoṭha hạbicʼ Jophletkoakʼ elakate senkate onḍe khon Geser hạbicʼ calaoena ar jalapurire senkate mucạtʼena.

Josuạ 16:3 Referans Kwoze

2 Bõsbudạ 8:5

Uni do cetan reakʼ Bet-horon phaṭok duạr ar huṛkạṛakʼ pạcrikoe benaoketʼte onae keṭecʼkeda.

Josuạ 18:13

Onḍe khon simạna do Lus, metakʼme Bethel dạkhin reakʼ dhasna secʼte senkate latar Bet-Horon reakʼ dạkhinre okaṭakʼ buru menakʼ ona buru cetan reakʼ Atarot-Adarte pheḍ calaoena.

Josuạ 10:33

Unre Geserren Horam raj do Lakhisren hoṛko goṛowako lạgitʼe oḍokʼ hecʼlena menkhan Josuạ do uni ar uniren lạṛhại phạdkoe bhagaoketʼkoa. Ar sesre celege jiwetʼ bako sarecʼlena.

1 Bõsbudạ 7:28

Bethel ar ona beṛhaeteakʼ atoko, purub secʼ Naron, pạchim secʼ Gesor ar ona beṛhaeteakʼ atoko do Ephrayimakʼ jaega jumi ar tahen oṛakʼko tahẽkana. Ona chaḍa Sikem ar ona reakʼ atoko khon Oya ar ona reakʼ atoko hạbicʼ onkoakʼ ṭoṭha tahẽkana.

1 Bõsbudạ 7:24

Uniren hoponerawakʼ ńutum do Sira tahẽkana. Ar Sira do cetan ar latar Beth-Aron ar Usen-Sira atoye benao rakapʼleda.

Numeri 34:6

“Apeakʼ disạm reakʼ pạchim secʼ simạnako do jalapuri hạbicʼ hoyokʼa. Noage apeakʼ pạchim senakʼ mucạtʼ simạ do tahena.

1 Samuel 13:18

Ar mitʼ dol do Bet-horon secʼ ar eṭakʼ dol do ona buru ṭoṭha secʼ one onḍe khon hahaṅkar ṭoṭha reakʼ Seboyim buru lodam ńelńamokʼ.

1 Bõsbudạ 20:4

Tayomte Gesorre Philisṭiko sãote lạṛhại ehopʼena. Ona jokhecʼ Husatiạ Sibekae do Rophayiko bõsren Sippoy ńutuman mitʼṭen hoṛe gocʼkedea, ar onate Philisṭiko doko bhagao ocoyena.