Josuạ 15:8 - সান্তালী বাইবেল

⁸ Onḍe khon ona do Jebusikoakʼ nagraha reakʼ, metakʼme Jerusalem reakʼ dạkhin dhasnako reakʼ jaega hạbicʼ senkate Ben-Hinom buru muthnite rakapʼ calaoena. Ar onḍe khon simạna do Rephayim tapol reakʼ utạr simạna reakʼ Hinom tapol reakʼ pạchimre okaṭakʼ buru menakʼ onḍe hạbicʼ rakapʼena.

Josuạ 15:8 Referans Kwoze

Josuạ 18:16

Ona tayom ona simạna do Rephayim lodam utạr reakʼ Ben-Hinom lodam samaṅ reakʼ buru latar hạbicʼ pheḍ calaoena. Ona tayom ona do Hinom lodam talate senkate Jebusikoakʼ nagraha dạkhin secʼ reakʼ dhasnakote senkate En-Rogel hạbicʼ calao idiyena.

Josuạ 15:63

Jihudạ gusṭi do menkhan Jebusiko bako laga ńir daṛeatʼkoa. Jebusiko do Jerusalemren hoṛko tahẽkana. Jihudạ gusṭiren hoṛko sãote Jibusiko do teheń hạbicʼ onḍeko girobasokʼkana.

Bikʼcạrko 19:10

Menkhan uni hoṛ do onḍe tahẽ aṅgakʼ bae kusilena. Onate uni do gadhae palanketʼkinte acʼren chuṭki erawante onḍe khon ruạṛokʼe ehopʼena. Onko do tinre Jebusi, metakʼme Jerusalem sorko seṭerena unre bela doe hạsurokʼkan tahẽkana. Unre guti do acʼren kisạ̃ṛe metadea, “Dela bon, Jebusikoakʼ nagrahare senkate bon tahẽ aṅgakʼa.”

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

Bikʼcạrko 1:21

Menkhan Benjạmin gusṭiren hoṛko do Jerusalemre girobasokʼ kan Jebusiko bako laga oḍok daṛeatʼko tahẽkana. Onate teheń hạbicʼ Jebusiko do Benjạmin gusṭirenko sãote onḍeko girobasokʼkana.

Jirimiạ 19:14

Ona tayom Jirimiạ do Tophet khone ruạṛ hecʼena. Probhu Isorge acʼakʼ katha lại jạhir lạgitʼ onḍeye kolledea. Uni do Probhu Isorakʼ oṛakʼ reakʼ racare teṅgokate sanam hoṛkoe galmaraoatʼkoa,

Jirimiạ 19:6

Onate nonkan dinko hijukʼkana tinre hoṛko do niạ ṭhạ̃i Tophet se Bin-hinom buru nala bako metakʼa, menkhan ona do gogocʼ buru lodamgeko metakʼa.

Jirimiạ 19:2

Ona tayom kelhatʼ phaṭok reakʼ bolokʼ hor ṭhen Bin-hinom reakʼ buru nalate calakʼme. Ar okaṭakʼ kathań lạiyam onḍe senkate ona jạhirme.

Jesaea 17:5

Irokʼicʼ cetʼleka teṅgowakʼ phosole samṭao ar gele geleye ir jarwae, onkage Israelkoakʼ dosa do hoyokʼa. Rephayim buru nalare hoṛko cetʼleka hulạkʼko halaṅ jarwae onkage onkoakʼ dosa do hoyokʼtakoa.

2 Bõsbudạ 28:3

Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

2 Samuel 5:22

Tayomte Philisṭiko do arhõ hecʼkate Rophayim otetreko pasnaoena.

2 Samuel 5:18

Ar Philisṭiko do hecʼkate Rephayim reakʼ buru otetekoreko pasnao idiyena.

Bikʼcạrko 1:8

Jihudạ-gusṭiren hoṛko do Jerusalem upạrteko lạṛhạiyena ar onako hatkeda. Onko do nagraharen hoṛko gocʼketʼkote nagrahare seṅgelko jeretʼada.

1 Bõsbudạ 11:4

Tayomte Dạud ar sanam Israelko do Jerusalemre, metakʼme Jebusiteko calaoena. Ar onḍe do Jebusirenko girobasokʼ kan tahẽkana.

Nehemiạ 11:30

Sanoa, Adulam ar ona sorteakʼ atoko, Lakis ar ona sorteakʼ atoko ar Aseka ar ona sorteakʼ atoko. Onko do Ber-seba khon ehopʼkate Hinom buru lodam hạbicʼ sanam jaegakoreko girobasokʼ kan tahẽkana.