Josuạ 14:12 - সান্তালী বাইবেল

¹² Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”

Josuạ 14:12 Referans Kwoze

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Numeri 13:33

Onḍe do Nephilimkoren bõsko hõle ńel akatʼkoa. Anak bõsren hoṛ do Nephilim jạtren kanako. Ona ńelte ale do sosrocʼ lekale bujhạuena ar onko hõ onkageko hudisketʼlea.”

Numeri 13:28

Menkhan onḍe okoeko girobasokʼkan onko do daṛe hoṛ kanako ar onkoakʼ nagrahako do usul pạcrikote esetʼgea. Ar onḍe do Anak bõsren hoṛ hõle ńel akatʼkoa.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Josuạ 15:14

Kaleb do Sesae, Ahiman ar Talmae ńutuman pea Anakiko Hebron khone laga ńirketʼkoa. Noko do Anakren hoponko tahẽkana.

Sereńko 60:12

Isorakʼ goṛote ale dole jitạukʼa; ar aleren bạiriko uni doe lebetʼ gańjaokotalea.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

Bikʼcạrko 1:20

Moseyakʼ gokʼakʼ lekate Kaleb do Hebron nagrahae em ocolena. Kaleb do Anakren pea hopon Hebron khone laga ńirletʼkoa.

Numeri 21:34

Unre Probhu Isor do Moseye galmaraoadea, “Og raj do alom botoraea, ente uniyakʼ disạm uni ar uniren lạṛhại phạdko do amakʼ tireń jimạ akatʼkoa. Amorikoren Sihon raj, okoe do Hesbonreye rajokʼkan tahẽkan, uniyakʼ oka dosań hoyocoletʼtae onkage nuiyakʼ hõ hoyokʼtaea.”

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

2 Rapajko 19:4

Ạsurren raj do jiwetʼ Isor nisṛạue lạgitʼ Rabsakeye kolakadea menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme okoe do ńit hạbicʼ jiwetʼ menakʼko.”

Dosar Biboron 9:1

“E Israelko, ańjompe, okoe jạtrenko ape khon lekhareko ḍherge ar daṛe hõko daṛege ar onkoakʼ serma ṭuṅgạu usul pạcriko ar maraṅ maraṅ nagrahako ńitokʼ ape do onako dokhol lạgitʼ jordan gaḍape parom lạgidokʼkana.

Dosar Biboron 9:3

Menkhan ape do niạ katha baḍae dohokakʼpe, aperen Probhu Isor do ḍahao maraoakʼ seṅgel leka ape lahate jordan gaḍae parom maṛaṅokʼ kana. Unige onkoe kạbukoa are marao utạrkoa; unige ape ṭhene bhagao ocokoa; Ar Probhu Isor ape ṭhen oka as reakʼ kathae emakan onkage uni doe laga ńirkoa ar thoṛa ghạṛicʼtegeye marao utạrkoa.