Josuạ 13:5 - সান্তালী বাইবেল

^5-6 Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.

Josuạ 13:5 Referans Kwoze

1 Rapajko 5:18

Solomon ar Hiramren mistriko ar Gibearenko do ona dhiriko getʼkate mundil oṛakʼ benao lạgitʼ kaṭ ar dhiriko sapṛaoetʼ tahẽkana.

Josuạ 12:7

Lebanon lodam reakʼ Bakʼal-Gal khon Seyir buru secʼ rakapʼ calao akan Halak buru hạbicʼ jordan gaḍa pạchim secʼren rajko do Josuạ ar Israelko ṭhenko bhagao ocoakan tahẽkana. Josuạ do onkoakʼ jaegako sompotti lekate Israelkoren judạ judạ gusṭirenkoe hạṭińatʼkoa.

Jeheskel 27:9

Gebalren murubbiko do gạkhuṛ hoṛko lekate amre oṛecʼ paṛakʼakʼren jut aroe reakʼko kạmikan tahẽkana. Doreão reakʼ sanam jahaj ar onkoren jahaj cakʼlaoko do amakʼ jinisko bạnij bekʼpar lạgitʼ am ṭhenko hijukʼkan tahẽkana.

Sereńko 83:7

Gebaliko, Amonrenko, Amalekiko ar Turren sãoten Philisṭiko;

Josuạ 11:17

Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Dosar Biboron 3:25

Jordan gaḍa paromkate ona napae utạr disạm, metakʼme ona buru disạm ar ona Lebanon disạm baṛe ńel ocoạńme.’

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Numeri 13:21

Unre onko do senkate Sin hahaṅkar khon ehopʼkate Hamat secʼ Rehob hạbicʼ disạmko ńelkeda.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

Jirimiạ 52:9

Onko do Sedekiạko bondikedea ar Hamat disạm reakʼ Riblate Babelren raj ṭhenko idikedea ar onḍe do sạjạiye reakʼ hukumko emena.