Josuạ 12:3 - সান্তালী বাইবেল

³ Ona chaḍa Kinerot doreão khon Araba doreão, metakʼme buluṅ doreão ar Bet-jesimot reakʼ hor hạbicʼ ar dạkhin secʼ Pisga buru latar hạbicʼ ar Araba bilạn ṭạnḍi purub reakʼ hĩs hõ raje calaoetʼ tahẽkana.

Josuạ 12:3 Referans Kwoze

Dosar Biboron 3:17

Pạchim secʼ onkoakʼ ses simạna do Araba jordan gaḍa reakʼ okaṭakʼ hĩs do Kineret khon Pisga buruko reakʼ dhasna reakʼ Araba doreão, metakʼme buluṅ doreão hạbicʼ sen akana.

Josuạ 13:20

Beot-Piyạr, Pigsa buru dhasnako ar Boet-Jesimot.

Josuạ 11:2

Ona chaḍa uni do utạr secʼren okoe rajko tahẽkana onko sanamko ṭhen hõ sombate kolkeda. Onako rajosṭi do buru disạmre, Kinerot dạkhin Araba reakʼ bilạn ṭạnḍire, latar buru ṭoṭhare ar pạchim reakʼ Dorer buru ṭoṭhare tahẽkana.

Dosar Biboron 4:49

Onakin modre jordan purub secʼ goṭa Araba ṭoṭha hõ tahẽkana. Noa do Pisga buru dhasna latar menakʼ doreão hạbicʼ sen akana.

Johan 6:1

Ona tayom Jisu do Gạlil doreão hanasae parom calaoena. Noa doreãoge Tiberias doreão hõko metakʼkana.

Josuạ 15:5

Purub senakʼ simạna do hoyokʼ kana buluṅ doreão secʼ senakan jordan gaḍa dul mitʼakan hạbicʼ. Jordan gaḍa okare buluṅ doreãote senkate dul mitʼakan ar onḍe okaṭakʼ huḍiń doreão menakʼ onḍe khon utạr seakʼ simạna dag do ehopʼkate Beth-holga hạbicʼ senkate Beth-Araba reakʼ utạr secʼ lekate Rubenren hopon Bohanakʼ dhiri hạbicʼ sen idiyena.

Josuạ 15:2

Onkoakʼ dạkhin reakʼ simạna dag do buluṅ doreão dạkhin aṛe reakʼ huḍiń doreão khon ehopʼkate Akrabimte rakapʼ calakʼ hor reakʼ dạkhin secʼ paromkate Sin hahaṅkar secʼte Kades-Barnear reakʼ dạkhinte calao akana. Onḍe khon ona simạna dag do Hesron paromkate Adar hạbicʼ senente Karkate ạcur calaoena.

Genesis 19:25

Uni do ona banar nagraha, onakin reakʼ sanam jaega, nagraharen sanam hoṛko ar onḍenakʼ jumikore janam akan nonkan sanamakʼe marao giḍikada.

Genesis 14:3

Noko mõṛẽ goṭen raj do akoren palṭonko mitʼ ṭhenko jarwaketʼkote Sidim buru lodamteko calaoena. Noa jaega do buluṅ doreão hõko metakʼkan tahẽkana.

Luk 5:1

Mitʼ din Jisu do Genesaret doreão aṛereye teṅgo akan tahẽkana. Unre gadel hoṛ do Isorakʼ katha ańjom lạgitʼ beṛhaete hecʼkateko riḍạtʼ ciritʼedekan tahẽkana.

1 Rapajko 15:20

Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Uni do Ison, Dan, Abel-Betmaka ar goṭa Kinerot ar ona sãoteakʼ Napthali ṭoṭhae hatkeda.

Jeheskel 25:9

Ona iạte iń do Moab reakʼ mitʼ secʼakʼ simạnań jhicʼ ocoya. Ar onate Moab reakʼ ṭhonok nagraha Beth-Jesimoth, Bakʼal-Meyon ar Kiriathayim cetanre jhãp ema.

Numeri 34:11

Noa simạna dag do Sepham khon Enan secʼte Ribla hạbicʼ pheḍ hijukʼa ar Kenerot doreão reakʼ jaegako secʼte calao idikʼa.