Aradren Kanan raj do Negebreye girobasokʼ kan tahẽkana. Ar Israel hoponko Athrim reakʼ horteko hijukʼ kana menteye ańjomketʼ khan uni do onko tulucʼe lạṛhạiyena ar onkoren thoṛa hoṛe sapʼ idiketʼkoa.
Probhu Isor do onkoakʼ nehõre ańjomketʼtakoa ar Kananrenko do onkoakʼ tireye jimạkatʼkoa. Ar Israel hoponko do onkoakʼ atoko ar nagrahako maraoketʼtakoa. Ona iạte ona jaega reakʼ ńutum do Hormako (ona reakʼ mane do “ḍahao maraokʼ ”) dohokeda.
