Josuạ 10:5 - সান্তালী বাইবেল

⁵ Niạ katha ańjomkate onko mõṛẽ goṭen Amori rapajko, metakʼme Jerusalem, Hebron, Jarmut, Lakhis ar Eglonren rapajko do akoren lạṛhại phạdko jarwa mitʼketʼkoa. Ar ona tayom do akoren lạṛhại phạdko soṅgekate Gibeon sor senkateko ḍerayena ar nagrahako akromonkeda.

Josuạ 10:5 Referans Kwoze

Josuạ 10:6

Unre Gibeonrenko do Gilgal reakʼ ḍerate senkate Josuạ ṭhen sombatko kolkeda, “Amren golamko do alom bạgi giḍilea. Ma usạra hecʼkate goṛowaleme, ente Amorikoren rajko do buru ṭoṭha khon hecʼkate ale upạrte akoren lạṛhại phạdkoko jarwa akatʼkoa.”

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Josuạ 10:16

Onko mõṛẽ goṭen Amorikoren raj do Makeda nagraha ṭhenakʼ mitʼṭecʼ danderreko ńir okoyena.

1 Samuel 7:14

Ekron khon Gad hạbicʼ Israelkoakʼ oka nagraha ar atoko Philisṭikoko ạidạrian tahẽkan Israelko do arhõ onako ńam ruạṛkeda. Ar Israelko do Philisṭikoakʼ ti khon beṛhaeteakʼ sanam jaegareko rukhiyạ dohṛakeda. Nonkate Aramrenko ar Israelko talare suluk tahẽyena.

Jirimiạ 34:7

Ona jokhecʼ Babel rajren lạṛhại phạdko do Jerusalem, Lakis ar Aseka upạrteko lạṛhạikan tahẽkana, ente Jihudạ disạm talare eken pạcrite esetʼ nagrahakoge ạidạri lạgitʼ sarecʼ tahẽkana.