Josuạ 10:40 - সান্তালী বাইবেল

⁴⁰ Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 10:40 Referans Kwoze

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

1 Rapajko 15:29

Uni do raj hoykate Jerobiam gharońjren sanamkoe gocʼ cabaketʼkoa. Probhu Isor do acʼren guti Siloren Ạhiạ nạbi hotete oka kathae roṛletʼ ona lekage Basa do Jerobiamakʼ gharońjren sanamkoe marao cabaketʼkoa.

Josuạ 10:37

Onko do nagrahako hatketʼte onḍenko hoṛko, onkoren raj, ar ona aḍepase atokoren sanam hoṛko ar Hebronren sanam jiwiyankoko marao cabaketʼkoa. Ar Eglonre cetʼlekae cekaletʼ onkage Josuạ do Hebron ar onaren sanam hoṛkoe marao cabaketʼkoa.

Josuạ 10:35

Ar enhilokʼge onko do Eglonko hatkeda ar onḍenko hoṛko gocʼketʼkoa. Lakhisre cetʼlekae cekaletʼ onkage Josuạ do Eglonren sanam jiwiyankoe caba utạrketʼkoa.

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Josuạ 8:27

Probhu Isor cetʼ leka Josuại hukumade tahẽkan onkage Israelko do ona nagraharen janwarko ar luṭakʼ jinisko ako lạgitʼko ạgu darawana.

Josuạ 8:2

Jerikho nagraha ar onaren raj cetanre okam cekaletʼ Ae nagraha ar onaren raj cetanre hõ onkagem cekaea. Menkhan onḍenakʼ luṭ ạguakʼ jinisko ar janwarko ape apnar lạgitʼpe hatao daṛeakoa. Ar am do nagraha tayom secʼre mitʼ dol lạṛhại phạdkom oko dohokoa.”

Josuạ 6:17

Nagraha ar ona bhitri reakʼ sanamakʼge Probhu Isor ńutumte sarapakʼ ar nosṭokʼ lạgitʼ hoyokʼa. Eken Rahab kusumbi ar uni oṛakʼren okoeko menakʼko onko moto jiwetʼko tahena, ente abonren disạm cikʼyạkin hoṛe oko doholetʼkinạ.

Dosar Biboron 7:24

Onkoren raj do apeakʼ tireye jimạyea ar ape do onkoakʼ ńutum dhạrti khonpe meṭao utạrtakoa. Cele hõ bako teṅgo daram daṛeapea; ape dope marao cabakoa.

Josuạ 18:21

Benjamin gusṭiren judạ judạ bõsrenkoakʼ hạṭińre oka ato ar nagrahako paṛaolen onako do hoyokʼ kana, Bet-Hogla, Emek-Kesis,

Josuạ 12:8

Niạko jaega do hoyokʼ kana usul buru ṭoṭha, latar buru ṭoṭhako, Araba, buru dhasnako, purub secʼ reakʼ buluṅ doreão elaka ar Negeb. Niạko do Hittiko, Amoriko, Kananiko, Pherisiko, Hiwiko ar Jebusikoakʼ elaka tahẽkana.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

Josuạ 10:39

Onko do ona nagraha, ar onaren raj ar ona reakʼ atokoko hatketʼte sanam hoṛko gocʼ cabaketʼkoa. Onko do onḍenko sanam jiwiyankoko marao utạrketʼkoa. Josuạ do celege jiwetʼ bae doholetʼkoa; uni do Libna ar onaren raj ar Hebron reakʼ oka dosae hoyocoletʼtae Debir ar onaren rajakʼ dosa hõ onkageye hoyocokeda.

Josuạ 11:16

Nonkate Josuạ do goṭa disạmgeye hatkeda. Onako modre usul buru ṭoṭhako, goṭa Negeb, Gosen ṭoṭha, latar buruko ṭoṭha, Araba buru nala ar Israel utạr reakʼ usul buru ṭoṭha ar latar bilạn ṭạnḍiko tahẽkana.

Numeri 13:17

Mose do Kanan disạmte kolko jokhecʼ onkoe metatʼkoa, “Dạkhin nakha secʼte senkate buru ṭoṭhatepe rakapʼ calakʼa.

Dosar Biboron 2:34

Ona jokhecʼ abo do uniyakʼ sanam atoko ar nagrahako bon dokholketʼte onkoren herel hoponko, maejiuko ar gidrạko bon marao cabaketʼkoa; onkoren celege jiwetʼ do babon doholetʼkoa.

Nehemiạ 9:24

Onkoren hoponko do ona disạmte senkate onako dokholana. Ar ona disạmren Kananikoko kobojketʼkoa. Am do Kananiko, onkoren rapajko ar disạmren judạ judạ jạtrenko do onkoakʼ tirem jimạketʼkoa jemon onko cetanre akoakʼ kusi lekako ceka daṛeakʼ.