Josuạ 10:36 - সান্তালী বাইবেল

³⁶ Inạ tayom Josuạ do sanam Israelkoante Eglon khon Hebronte senkate ona nagrahae akromonkeda.

Josuạ 10:36 Referans Kwoze

Bikʼcạrko 1:10

Ar Hebronren Kananiko birudteko lạṛhại idiyente onko do Sesae, Ahiman ar Talmaeko bhagaokedea. Hebron reakʼ lahateakʼ ńutum do Kiriạt-Abra tahẽkana.

Josuạ 15:13

Josuạ do Probhu Isore hukumletʼ lekage Jephunren hopon Kaleb do Jihudạ gusṭirenkoakʼ jaega talare Kiriạt-Arba, metakʼme Hebron nagrahae ematʼko tahẽkana. Arba do Anakikoren hapṛame tahẽkana.

Numeri 13:22

Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

1 Bõsbudạ 12:28

Ona chaḍa Sadok ńutuman mitʼṭen daṛean lạṛhại bire tahẽkana ar uni bõsren bargel bar subedarko tahẽkana.

1 Bõsbudạ 12:23

Probhu Isorakʼ katha leka lạṛhạikate Sạulakʼ rajosṭi Dạudakʼ tire jimại lạgitʼ okoe do khanḍa bhanḍawante Hebronre Dạud ṭhenko hecʼlen onkoakʼ lekha do nonka tahẽkana:

Josuạ 21:13

Onate Hebron, Libna, Jatir, Esemoa, Holon, Debir, Ayin, Juta ar Bet-Semes ar onako soṅgeteakʼ ạtiń ṭạnḍiko do naeke Aronren hoponko ńamkeda. Ona modre Hebron do asrayokʼ nagraha tahẽkana. Niạ banar gusṭi reakʼ jaega khon niạ are goṭecʼ ato ar nagraha do onkoko emocolena.

Josuạ 10:5

Niạ katha ańjomkate onko mõṛẽ goṭen Amori rapajko, metakʼme Jerusalem, Hebron, Jarmut, Lakhis ar Eglonren rapajko do akoren lạṛhại phạdko jarwa mitʼketʼkoa. Ar ona tayom do akoren lạṛhại phạdko soṅgekate Gibeon sor senkateko ḍerayena ar nagrahako akromonkeda.

Josuạ 10:3

Ona iạte Jerusalemren raj Adoni-Sedek do Hebronren raj Hoham, Jarmutren raj Piram, Lakhisren raj Japhiạ ar Eglonren raj Debir ṭhen niạ nehõre kolkeda,

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Josuạ 10:35

Ar enhilokʼge onko do Eglonko hatkeda ar onḍenko hoṛko gocʼketʼkoa. Lakhisre cetʼlekae cekaletʼ onkage Josuạ do Eglonren sanam jiwiyankoe caba utạrketʼkoa.

Josuạ 10:37

Onko do nagrahako hatketʼte onḍenko hoṛko, onkoren raj, ar ona aḍepase atokoren sanam hoṛko ar Hebronren sanam jiwiyankoko marao cabaketʼkoa. Ar Eglonre cetʼlekae cekaletʼ onkage Josuạ do Hebron ar onaren sanam hoṛkoe marao cabaketʼkoa.

Bikʼcạrko 1:20

Moseyakʼ gokʼakʼ lekate Kaleb do Hebron nagrahae em ocolena. Kaleb do Anakren pea hopon Hebron khone laga ńirletʼkoa.

2 Bõsbudạ 11:10

Sora, Aijalon ar Hebron ńutumanakʼ Jihudạ ar Benjạmin ṭoṭha reakʼ adomakʼ atoko ar nagrahako do pạcriteye esetʼketʼte onakoe keṭecʼkeda.