Josuạ 10:13 - সান্তালী বাইবেল

¹³ Onate siń cando doe teṅgo thirena ar ńindạ cando hõe teṅgoyena, one tin hạbicʼ Israel do acʼren bạiriko cetanre ạuriye hala purạu.” Noa katha do Jaserakʼ puthire ol akana. Unre siń cando do tala sermareye teṅgo thirena ar hạsurokʼ do mitʼ dine dirikeda.

Josuạ 10:13 Referans Kwoze

Habakkuk 3:11

Amakʼ ạphir calakʼkan sar reakʼ jhalkaote ar bijli leka amakʼ borlom reakʼ jhak jhakte sermare siń cando ar ńindạ cando dokin teṅgo hapeyena.

Jesaea 38:8

Ahasakʼ siṛhire siń cando reakʼ umul tinạkʼ dhap laha akan ona umul do gel dhapiń pạc ocoya.’ ” Onatege siń cando sãote umul do arhõ gel dhap pạc ruạṛena.

Josuạ 10:14

Inạ laha se tayom nonkan din do ar tishõ bań hoyakana Probhu Isor do manwakoakʼ katha nonkae dohoakada mente. Enhilokʼ Probhu Isor do Israelko huyạteye lạṛhạilena.

Bikʼcạrko 16:28

Unre Samson do Probhu Isor ṭhene koekeda, “E Probhu Isor, mitʼ dhao baṛe disạiyińme. E Isor, dayakate ar mitʼ dhao daṛe imạńme jemon ińakʼ banar mẽtʼ iạte Philisṭiko cetanreń hala ruạṛ daṛeakʼ.”

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Sereńko 148:3

E siń cando ar ńindạ cando, uni sarhaoepe; E jhak jhakaokʼkan ipilko, uni sarhaoepe.

Sereńko 19:4

enhõ onkoakʼ hoho do goṭa dhạrtite pasnaokʼ kana; ar onkoakʼ katha do dhạrti reakʼ mucạtʼ hạbicʼ ḍamḍahekʼ kana. Sermare siń cando lạgitʼ mitʼṭecʼe tạmbu akawadea;

Ester 8:13

Rajakʼ hukum do sanam tabe disạmre ạn lekate lại jạhirena ar mitʼke mitʼ jạtrenkoko baḍae ocoyena Jihudiko do enhilokʼ akoren bạiriko cetanreko hala daṛeakʼa.

2 Samuel 1:18

Uni doe hukumkeda niạ sereń do jemon Jihudạ gusṭirenkoko cetʼ ocokʼ. Niạ sereń do Jasar ńutumanakʼ puthire ol akana.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Bikʼcạrko 5:2

Israelkoren mukhiyạko do lạṛhạire hoṛkoko ạyurketʼkoa, onko do akoakʼ kusiteko laha idiyena. Probhu Isorakʼ sabasige hoyokʼtaema!

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Numeri 31:2

“Am do Israelko ńutumte Midiạnkoakʼ behok reakʼ hala hạlime. Ar ona tayom do amren hapṛamko ṭhenem calakʼa.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan sodor 8:12

Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń doko ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.

Johan sodor 6:12

Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Aposkạmi 2:20

Probhu Isorakʼ ona maraṅ ar ṭhonokte perecʼ dinko hijukʼ lahare, siń cando doe ńutokʼa; ar ńindạ cando do mãyãm lekae hoyokʼa.

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Numeri 21:14

Probhu Isorakʼ lạṛhại ńutumanakʼ puthire menakʼa, “Nagraha secʼ sen akan Supha ṭoṭha reakʼ Owaheb ar Arnon ar ona reakʼ nalako ar buru nala reakʼ dhasna, noako do Moab simạnarege japakʼ akana.”

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

2 Rapajko 20:10

Hiskiạ doe menkeda, “Umul gel dhap lahakʼ do algagea, bickom ona do gel dhap tayom ocoyme.”

Jobakʼ 9:7

Uniye baron lekhan siń cando hõ marsal bae ema ar ipilko hõ bako jolokʼa.