Josuạ 10:12 - সান্তালী বাইবেল

¹² Oka hilokʼ Probhu Isor do Israelkoakʼ tire Amorikoe jimạketʼko enhilokʼge Josuạ do Israelko samaṅre Probhu Isore metadea, “E siń cando, Gibeon cetanre teṅgo thir akae tahenme, E ńindạ cando, Ajalon buru sokṛare senkate teṅgokʼ hapekokʼme.”

Josuạ 10:12 Referans Kwoze

Habakkuk 3:11

Amakʼ ạphir calakʼkan sar reakʼ jhalkaote ar bijli leka amakʼ borlom reakʼ jhak jhakte sermare siń cando ar ńindạ cando dokin teṅgo hapeyena.

Jesaea 38:8

Ahasakʼ siṛhire siń cando reakʼ umul tinạkʼ dhap laha akan ona umul do gel dhapiń pạc ocoya.’ ” Onatege siń cando sãote umul do arhõ gel dhap pạc ruạṛena.

Jesaea 60:20

Amren siń cando do tisge ar bae hạsurokʼa, ar amren ńindạ cando hõ ar bae adokʼa. Probhu Isorge amakʼ jaejug reakʼ marsale hoyokʼa; ar amakʼ hirdạukʼ reakʼ dinko do mucạdokʼtama.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Sereńko 19:4

enhõ onkoakʼ hoho do goṭa dhạrtite pasnaokʼ kana; ar onkoakʼ katha do dhạrti reakʼ mucạtʼ hạbicʼ ḍamḍahekʼ kana. Sermare siń cando lạgitʼ mitʼṭecʼe tạmbu akawadea;

Josuạ 10:13

Onate siń cando doe teṅgo thirena ar ńindạ cando hõe teṅgoyena, one tin hạbicʼ Israel do acʼren bạiriko cetanre ạuriye hala purạu.” Noa katha do Jaserakʼ puthire ol akana. Unre siń cando do tala sermareye teṅgo thirena ar hạsurokʼ do mitʼ dine dirikeda.

Sereńko 148:3

E siń cando ar ńindạ cando, uni sarhaoepe; E jhak jhakaokʼkan ipilko, uni sarhaoepe.

Jobakʼ 9:7

Uniye baron lekhan siń cando hõ marsal bae ema ar ipilko hõ bako jolokʼa.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Habakkuk 2:20

Menkhan Probhu Isor do acʼakʼ sonot oṛakʼre menaea; sanam dhạrti do uni samaṅre hapeakan tahenma.”

Sereńko 74:16

Siń do amakʼge, hẽ ar ńindạ hõ amakʼge; siń cando, ńindạ cando ar ipilko hõ amgem ṭarhao ocoakatʼkoa.

Josuạ 19:42

Salabin, Aijalon, Itla, Elon, Timna, Ekron, Elteke, Gibethon, Balat,

Dosar Biboron 17:3

Ar hoedaṛeakʼa uni do ińakʼ hukum birudre senkate debotakoe sewawako ar onko debota se siń cando, ńindạ cando se sermaren ipilkoe sewawako.

Amos 8:9

Probhu Isore menetʼkana, “Enhilokʼ tikin jokhecʼ siń cando doń hạsur ocoyea ar siń marsalrege dhạrti doń ńut ocoya.

Bikʼcạrko 12:12

Ar uniye gocʼen khan Sebulon ṭoṭha reakʼ Aijalonre uniko topakadea.

Bikʼcạrko 5:20

Serma khon ipilkoko lạṛhạiyena, apan ạpin ḍahar khon lạṛhạiyenako Sisera birudre.

1 Samuel 14:31

Israelko do enhilokʼ Mikmas khon Ayalon hạbicʼ Philisṭiko gocʼ idiketʼkoa arko laṅga cabayena.

2 Samuel 2:12

Mitʼdin Nerren hopon Abner do Sạulren hopon Isbotren hoṛkoante Mahaniạm khon Gibeonteye senena.

2 Rapajko 20:11

Unre Jesaea nạbi do Probhu Isore hohoade tahẽkana. Onate Ahasakʼ siṛhi khon umul do tinạkʼ dhap pheḍ hecʼlen Probhu Isor do ona khon gel dhape tayom ocokeda.

Jirimiạ 28:1

Inạ bochorge, Jihudạren raj Sedekiạwakʼ rajokʼ pạhil secʼ, metakʼme ponakʼ bochor reakʼ mõṛẽakʼ candore Gibeon nagraharen Asur hopon Hananiạ nạbi do Probhu Isorakʼ oṛakʼre naekeko ar sanam hoṛko samaṅre Jirimiạ noa kathae metadea,

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

1 Samuel 12:18

Inạ tayom Samuel do Probhu Isor ṭhene koekeda ar uni do enhilokʼge huḍur ar dakʼe kolkeda. Unre sanamkoge Probhu Isor ar Sạmuelko botoratʼkinạ.

2 Rapajko 20:9

Jesaea doe roṛ ruạṛkeda, “Probhu Isor acʼakʼ gokʼake dohoy ona lạgitʼ uni do mitʼṭecʼ cinhại dohoya. Onate ma lạime, umul do cetʼ gel dhap lahakʼ se gel dhap tayomokʼa?”

2 Rapajko 20:10

Hiskiạ doe menkeda, “Umul gel dhap lahakʼ do algagea, bickom ona do gel dhap tayom ocoyme.”

2 Bõsbudạ 11:10

Sora, Aijalon ar Hebron ńutumanakʼ Jihudạ ar Benjạmin ṭoṭha reakʼ adomakʼ atoko ar nagrahako do pạcriteye esetʼketʼte onakoe keṭecʼkeda.