Jona 4:5 - সান্তালী বাইবেল

⁵ Unre Jona do nagraha bahrete senkate purub secʼre mitʼṭecʼ ṭhạ̃ire cạli benaokate ona reakʼ umulreye duṛupʼena. Ar nagraha reakʼ cetʼ dosa hoyokʼa mente ona ńel lạgitʼ koyokʼ horreye tahẽyena.

Jona 4:5 Referans Kwoze

1 Rapajko 19:13

Ar Eliạ do ona ańjomkate acʼakʼ oyonakʼte mẽtʼãhãe betʼketʼtaea ar bahrete senkate dander reakʼ moca ṭhene teṅgoyena. Ona tayom uni do niạ kathae ańjomkeda, “E Eliạ, nonḍe do cetʼem ceka kana?”

1 Rapajko 19:9

Ar onḍe mitʼṭecʼ danderreye giticʼ aṅgayena. Onḍe Probhu Isor do Eliạ ṭhen seṭerenteye kulikedea, “E Eliạ, nonḍe do cetʼem ceka kana?”

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jona 1:5

Onate jahaj cakʼlaoko do botorte apan ạpinren boṅga ṭhen rakʼ joṅko ehopʼena. Ar jahajre tahẽkan jinisko do jalapuri reakʼ dakʼreko capatʼ khadlekada jemon jahaj rawalokʼtako. Menkhan Jona do noa laharege jahaj bhitrire bolokateye giticʼente acete jạpitʼ akatʼ tahẽkana.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jona 4:4

Probhu Isore roṛ ruạṛkeda, “Pit caṛhaokʼ kantamte dom ṭhiketʼgea?”

Jona 4:6

Unre Probhu Isor do onḍe mitʼṭecʼ eraḍom dareye janam ocokeda. Ar ona dare do Jona cetanteye hara rakapʼ ocokeda uniyakʼ bohokʼ umultae lạgitʼ. Ona dare iạte Jona do ạḍiye kusiyena.