Jona 4:11 - সান্তালী বাইবেল

¹¹ Menkhan Niniwire mitʼ lakh bargel hajar khon hõ bạ̃ṛti gidrạ menakʼkoa onko do bako baḍaea okaṭakʼ do jojomti ar okaṭakʼ do leṅga ti kana mente; ona chaḍa ḍher ḍaṅgra ar bhiḍiko hõ menakʼkoa. Enḍekhan iń do cetʼ iń cekaea? Iń do cetʼ ona maraṅ nagraha lạgitʼ bạń mãyãkʼa?”

Jona 4:11 Referans Kwoze

Mathae 18:33

Iń cetʼlekań dayawatʼme tahẽkan onkage uni hõ mãyãwae lek do cetʼ baṅ tahẽkantama?’

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Dosar Biboron 1:39

Ar okoeko gidrạko reaṅpe menletʼ baṅma bondikateko idikotapea onko gidrạko, okoe do boge bạṛicʼ papacnao reakʼ akel baṅ hoyakantako, onkoge ona disạmteko bolokʼa. Disạm do onkogeń emakoa ar onko do onako dokhol joṅa.

Sereńko 104:14

Am do ạsul janwarko lạgitʼ ghãs ar manwakoakʼ cas lạgitʼ phosolem janam ocoyeda, jemon uni do ona hasa khon acʼlạgitʼ jomakʼe ńam daṛeakʼ.

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Jesaea 37:37

Onate Ạsurren raj Senakerib do acʼren lạṛhại phạdanteye ruạṛ calaoena ar Niniwi nagrahare senkateye tahẽyena.

Jona 4:10

Menkhan Probhu Isor doe menkeda, “Am do noa dare lạgitʼ jãhãnakʼ bam khaṭao akana ar hara hõ bam hara ocoakada enhõ dare lạgitʼem mãyãkʼkana. Ona do mitʼ ńindạte omonena ar mitʼ ńindạtege gocʼena.