Jona 3:8 - সান্তালী বাইবেল

⁸ Manwa ar janwar sanamkoge jemon gõṛẽ kicricʼteko oyokʼma. Ar mitʼke mitʼ hoṛ do goṭa daṛete Isorko hohoaema ar bạṛicʼ hor khonko ruạṛokʼma ar bạṛicʼakʼ kạmiko bạgiyma.

Jona 3:8 Referans Kwoze

Jona 1:6

Unre jahajren cakʼlaoicʼ do Jona ṭhen senkateye metadea, “Cekate galasaṅem jạpitʼ akada? Ma beretʼme ar amren debota hohoaeme. Pasere pase uni do aboe beṅgetʼ abon ar onatebon bańcao daṛekokʼ.”

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Jona 1:14

Unre onko do Probhu Isor hohoadeteko menkeda, “E Probhu Isor, nui hoṛakʼ gujukʼ iạte alo jemonle gujukʼ. Ar mitʼṭen miridos hoṛakʼ gujukʼ iạte ale do alom dusi ocolea, ente E Probhu Isor, am do amakʼ sana lekam kạmikana.”

Jesaea 59:6

Onkoakʼ bindi ganakʼte kicricʼ do baṅ hoyokʼa; ar okako horokʼetʼkan onate apnartetʼ hõ bako aḍ daṛeakʼa. Onko do joto kạmige bạṛicʼgetakoa, onkoakʼ tire do jor julumge menakʼa.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Mathae 3:8

Bhagegea, kại khon cetʼleka monpe ạcurakatʼ onkage apeakʼ jionre bhage jo ńel ocoytape.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Jobakʼ 16:17

Enhõ iń do celege bạń jor julum akatʼkoa ińakʼ koejoṅ do saphagetińa.

Jobakʼ 36:10

Uni do sudhrạukʼ lạgitʼ sopolhae emakokana ar bạṛicʼ khon mon ạcur lạgitʼe hukumako kana.

Jirimiạ 25:5

Onko do Probhu Isorakʼ noa kathako metatʼko tahẽkana, ‘Ape do ńitokʼ apeakʼ bạṛicʼ hor ar bạṛicʼ kạmiko khon ruạṛokʼpe, enḍekhan oka disạm aperen hapṛamkoń ematʼko tahẽkan ona disạmre ape do jaejug hạbicʼpe tahẽdaṛeakʼa.

Jirimiạ 26:3

Hoedaṛeakʼa onko do onako ańjoma ar akoakʼ bạṛicʼ hor khonko ruạṛ hijukʼa. Ar onkoakʼ behokakʼ iạte onko cetanre okaṭakʼ muhin ạgui lạgitʼ iń goṭa akatʼ ona do ar bạń paṛao ocoya.

Jirimiạ 36:3

Jihudạren hoṛko cetanre okako muhin paṛao ocoy reakʼ kathań ṭhik dohoakatʼ onko do onako muhin reakʼ katha ańjomkate pasere pase bạṛicʼ hor khonko ruạṛ botejokʼ; ar jemon onkoakʼ ghạṭ ar kạiyiń ikạ daṛeatako.”

Joel 1:14

Ape do sonot upạs reakʼ bebostaepe; mitʼṭecʼ sabha baṛe hoeocoype. Murubbiko ar disạmre girobasokʼ kan sanamko aperen Probhu Isorakʼ oṛakʼre hoho ạgukope ar Probhu Isor ṭhen rakʼ joṅpe.