Jona 3:5 - সান্তালী বাইবেল

⁵ Unre Niniwiren hoṛko do Isorakʼ kathareko pạtiạuena. Ar upạs reakʼko lại sodorkeda ar huḍiń khon hapṛakʼ sanamkoge gõṛẽ kicricʼko horokʼkeda.

Jona 3:5 Referans Kwoze

Luk 11:32

Menkhan bicạr dinre Niniwi nagraharen hoṛko do beretʼkate niạ piṛhiren hoṛkoakʼ doskoko uduga, ente Niniwiren hoṛ do Jona nạbiyakʼ porcarte kại khon monko ạcurletʼtakoa; ar ńelpe, nonḍe do Jona khon hõ maraṅicʼ mitʼ hoṛ menaea.

Mathae 12:41

Bicạr dinre Niniwi nagraharen hoṛko do beretʼkate niạ piṛhiren hoṛkoakʼ doskoko uduga, ente Niniwiren hoṛ do Jona nạbiyakʼ porcarte akoakʼ kại khon monko ạcurletʼtakoa. Ar ńelpe, nonḍe do Jona khon hõ maraṅicʼge menaea.

Daniel 9:3

Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Joel 1:14

Ape do sonot upạs reakʼ bebostaepe; mitʼṭecʼ sabha baṛe hoeocoype. Murubbiko ar disạmre girobasokʼ kan sanamko aperen Probhu Isorakʼ oṛakʼre hoho ạgukope ar Probhu Isor ṭhen rakʼ joṅpe.

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

Ibriko 11:1

Okaṭakʼ ńama mentebon as akan ona dobon ńamgea ar ona reakʼ khạṭitetʼ do hoyokʼ kana pạtiạu. Ar ona pạtiạu hotete purạpuri bon bujhạu daṛeakʼa je, okaṭakʼ babon ńel ńametʼ kan ona do sạrige menakʼgea mente.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Aposkạmi 27:25

Onate monre dil joṅpe. Isorre noa pạtiạu menakʼtińạ je, uni okae menakawạdiń ona do hoyokʼgea.

Aposkạmi 8:10

Ar acʼ do mitʼṭen maraṅ hoṛ menteye udugokʼkan tahẽkana, ar kisạ̃ṛko ar reṅgecʼko sanamkoge uniyakʼ kathako hetawakʼkan tahẽkana. Hoṛko menetʼ tahẽkana, “Isor reakʼ maraṅ daṛe oka menogokʼkan nui hoṛ kangeae ona daṛe do.”

Jirimiạ 42:8

Unre uni do Johanan ar uni soṅgeten sanam lạṛhại phạdkoren subedarko ar sanam hoṛkoe hoho jarwaketʼkoa.

Jirimiạ 42:1

Ona tayom lạṛhại phạdkoren sanam subedarko, Karea hopon Johanan ar Hosaya hopon Jasniạ ar sanam hoṛko do Jirimiạ nạbi ṭhen hecʼkateko menkeda, “Dayakate aleakʼ nehõr baṛe ańjomtaleme ar noko sarecʼ hoṛko lạgitʼ amren Probhu Isor ṭhen koeme. Am do ńitem ńeletʼkangea mitʼ okte ale do ḍhergele tahẽkana ar ńitokʼ do eken thoṛa hoṛge sarecʼ menakʼlea.

Jirimiạ 36:9

Josiạ hopon Jihudạren raj Jehoyakimakʼ rajokʼ mõṛẽakʼ bochor reakʼ areakʼ candore Jerusalemren sanam hoṛko ar Jihudạ nagrahako khon hecʼakan hoṛko lạgitʼ Probhu Isor samaṅre upạs reakʼ kathae lại jạhirkeda.

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Ester 4:1

Mordekae do jotowakʼ sombatkoe baḍaeketʼ khan acʼakʼ kicricʼe oṛecʼketʼte gõṛẽ kicricʼe horokʼkeda ar torocʼ ojokʼkate nagraha talare senkate ãṭ aṛaṅte rarakʼe ehopʼena.

Jona 3:7

Ona tayom uni do Niniwire acʼ ar acʼren kạmiyạkoe hukumatʼkoa: Manwa ar janwar, ḍaṅgra se bhiḍi palko celege alo jemonko jomma; onko do jomakʼ se dakʼ hõ aloko ńũiyma.

Exodus 33:6

Onate Israelko do Horeb burure akoakʼ abhranko totʼ giḍikada; ar tishõ onako do bako horokʼleda.

2 Rapajko 19:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaea ar gõṛẽ kicricʼe horokʼketʼte Probhu Isorakʼ oṛakʼteye boloyena.