Jona 2:9 - সান্তালী বাইবেল

⁹ menkhan iń do sarhao sereńate am ńutumte janwar dãṛẽgeń samaṅama. Ar okań manot akatʼ onań purạuama. Ar bańcaoiń do Probhu Isorakʼ kạmikana.”

Jona 2:9 Referans Kwoze

Sereńko 3:8

Babańcao do Probhu Isorakʼ kạmi kangea, ar amren hoṛko cetanre amakʼ bhor baṛe tahen ma. (Sela)

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Sereńko 68:20

Aboren Isor doe nonkan Isor kana one okoe doe babańcaoicʼkan; Probhu Isor do gujukʼ khone rukhiyạ bona.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Johan sodor 7:10

Ar ãṭ aṛaṅte hohokateko menetʼkan tahẽkana: “Okoe siṅghạsonreye duṛupʼ akan, aboren Isor ar Bheḍa Hopon titege kại khon bańcao do hoyakana.”

Johan 4:22

Ente ape do okaṭakʼ bape baḍaekan onape sewawakʼ kana, menkhan ale okaṭakʼle baḍaeakatʼ onagele sewawakʼ kana, ente kại khon bańcaokʼ do Jihudiko khonge hecʼakana.

Jobakʼ 22:27

Uni ṭhenem aroja ar uni do onae ańjomtama, ar amakʼ sanam manotteakʼ em purạutama.

Genesis 35:3

Ona tayom do dela, Bethelte bon calakʼa. Iń do onḍe Isor lạgitʼ mitʼṭecʼ pinḍ iń benaoa ente uni do muhinreye goṛowạdiń tahẽkana ar joto jaegarege iń sãoteye tahẽkana.”

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniyakʼ ńutumte kại khon bańcao bon ńam daṛeke.”

Sereńko 107:22

Onko do gun manaoren dãṛẽkoko dãṛẽkoma, ar rạskạ sereńte uniyakʼ sanam kạmi reakʼ kathako lại jạhirma.

2 Samuel 15:7

Pon bochor tayom Absalom do raje metadea, “Probhu Isor ṭheniń manot akatʼakʼ purạu lạgitʼ iń do Hebronte sen ocoạńme.

Dosar Biboron 23:18

Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Sereńko 95:2

Dela, sarhao sereńate uni samaṅre bon calakʼma, ar õṛhẽ sereńte uni ńutumte bon rạskạkʼma.

1 Samuel 12:21

Uni khon do alope sạṅgińokʼa, entepe onkale khan ape do eṛe debotako ṭhenpe calakʼa. Onko doko ạuṛiyakʼgea ar bako bhạlại daṛeapea onko do rukhiyạ hõ bako rukhiyạ daṛeapea.