Jona 2:6 - সান্তালী বাইবেল

⁶ Iń doń unumena ar buru reakʼ rehetʼ hạbicʼ iń senena; Sheol do jaejug lạgitʼe aṭkao dohokedińa. Menkhan E ińren Probhu Isor, am do onḍe khonem rakapʼ ạgukedińa.

Jona 2:6 Referans Kwoze

Sereńko 30:3

E Probhu Isor, am do patal puri khonem rakapʼ ạgu akadińạ; ar amgem bańcao doho akadińạ jemon ona khạndṛuṅre pheḍokʼ alo lagaoạń.

Sereńko 16:10

Ente patal purire do bam giḍiyińạ, ar amren sonoticʼakʼ hoṛmo hõ bam nosṭo ocoya.

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.

Jesaea 40:12

Okoe dakʼko do acʼakʼ loṭteye soṅakada ar sermako do okoe acʼakʼ bitạteye jokha akada? Dhạrti reakʼ dhuṛi do ạṛire okoeye sahopʼ ocoakada ar buru ar ḍuṅgriko hõ okoe tulạteye tulạ akada?

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 104:8

Buru boṭkocʼko do arhõ usulena, ar joto lodamko do arhõ copotʼena; okaṭakʼ jaegam ṭhik dohoakatʼ tahẽkan onako do onḍe hạbicʼ seṭerena.

Sereńko 104:6

Dhạrti do kicricʼtem esetʼakatʼ leka jalapuri reakʼ dakʼtem esetʼleda; buru ar boṭkocʼ hõ ona dakʼte unum cabalena.

Sereńko 65:6

Amakʼ daṛetege sanam buru ar ḍuṅgriko do teṅgo akana; ar noate sodorokʼ kana am dom daṛeanicʼ kana mente.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Sereńko 30:9

“Ińakʼ gujukʼre se patal puriteń calakʼre do cetʼ labtiń? Dhuṛi do cetʼ ame sarhaomea?

Jobakʼ 33:28

Sheolte calakʼ hor khon uni doe chaḍao akadińạ; ińakʼ jiwi do marsale ńeljoṅa.

Jobakʼ 33:24

enḍekhan uni cetanre dayakateye men, ‘Sheolte pheḍ calakʼ khon rukhiyạyem; iń do uni iạte chaḍao reakʼ damiń ńamakada.’

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Sereńko 18:5

Ar patal puri reakʼ barahikoteń tolakana, gujukʼ reakʼ pạsi do iń lạgitʼ oḍao tahẽkana.

Sereńko 116:3

Gujukʼ reakʼ baberte iń do toliń tahẽkana, ar patal puri reakʼ jaljalaokʼreń paṛaolena; iń do duk ar kosṭoreń tahẽkana.

Jesaea 38:10

Ińiń menleda, “Ińakʼ bahaokʼ reakʼ adha dinkorege cetʼ iń do Sheol reakʼ duạrte bolokʼ hoyokʼtińạ? Ar ińakʼ sarecʼ bochorko khon do cetʼ iń eṛe ocokʼa?”

Jeheskel 26:20

unre patal purite calakʼkan hoṛko sãote onko sedaeren hoṛko ṭheniń pheḍ idimea. Ar dhạrti khạndṛuṅ reakʼ jarkharakʼ talare patal purite calakʼkan hoṛko sãoteń girobas ocomea. Amre do ar celege bako girobasokʼa ar jiwetʼkoakʼ disạmre amakʼ ṭhạ̃i do ar baṅ hoyokʼtama.

Jeheskel 31:14

Ona iạte dakʼ aṛe reakʼ eṭakʼ jãhãn dareko do bạḍạite baṅ usulokʼa, ona reakʼ muthniko do rimil bae tiyoga ar ona do nunạkʼ coṭhõ baṅ hara rakabokʼa. Onako joto do manwa leka gujukʼ tabe reakʼ kana; onako do dhạrti reakʼ khạndri, metakʼme patal purite pheḍokʼ lạgitʼ ṭhik doho akana.

Sereńko 69:2

Iń do khạndri gheorareń unumokʼ kana, onḍe do ińakʼ teṅgokʼ reakʼ ṭhạ̃ige bạnukʼa. Iń do khạndri dakʼreń paṛao akana; ar ḍubạ dakʼ do iń cetante ạtukʼ kana.