Jona 1:9 - সান্তালী বাইবেল

⁹ Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

Jona 1:9 Referans Kwoze

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Sereńko 136:26

Ape do sermaren Isor gun manao joharaepe; ente uniyakʼ dulạṛ do jaejuggetaea.

Nehemiạ 1:4

Niạko katha ańjomkate iń do duṛupʼkate rarakʼ iń ehopʼena. Ar thoṛa din homor halaṅkate iń doń upạskeda ar sermaren Isor ṭheniń koekeda.

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

2 Rapajko 17:28

Unre Samariạ khon idi ocoyen naekeko mod khon mitʼ hoṛ do Bethelre senkate girobasokʼe ehopʼena ar onko cetʼakoe ehopʼena cetʼ lekate Probhu Isorko sewawaea mente.

2 Rapajko 17:25

Onḍe girobasokʼko ehopʼen pạhil secʼ onko do Probhu Isor bako sewawae kan tahẽkana, onate uni do onko talare dhạcri kulkoe kolketʼkoa. Ar onko do onkoren hoṛkoko gocʼketʼkoa.

Genesis 14:13

Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Philipiko lạgitʼ Pạul apostolakʼ ciṭhi 3:5

Irạl mãhã hilokʼre iń doń khatna ocolena; Israel bõsren Benjamin khũṭreń janam akana; iń do mitʼṭen khạṭi Ibri hoṛ kangeạń; ar Moseyakʼ ạn-ạriko manaore do mitʼṭen Phạrusi hoṛge;

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Jobakʼ 1:9

Unre Soetane menkeda, “Job do cetʼ emni emnitegeye botoram kana?

Nehemiạ 2:4

Raj do ińe metadińạ, “Am do cetʼem khojkana?” Unre iń do sermaren Isor ṭheniń koeyana.

Esra 5:11

Onko doko roṛ ruạṛatʼlea, “Ale do ot ar sermaren Isorren golam kanale. Ale do ona mundil oṛakʼ arhõle benao aroyeda oka do Israelren mitʼṭen maraṅ raj ḍher serma lahareye benaoletʼ tahekan.

Exodus 1:15

Ona chaḍa Misorren raj do Sipra ar Poa ńutuman barea Ibri, metakʼme Israelkoren dhạ̃i buḍhikine metatʼkinạ,

Exodus 2:13

Dosar hilokʼ uni do arhõ bahreteye oḍok senena ar barea Ibri hoṛ lạṛhạikane ńelketʼkinạ. Unre uni do dusiyicʼe metadea, “Cedakʼ amren boeha dom dale kana?”

Genesis 1:10

Isor do ona rohoṛ jaega reakʼ ńutum do ote dohokeda, ar jarwa akan dakʼ do jalapuriye metatʼa. Isore ńelkeda ona do ạḍi mońjge hoyakana.

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.