Jona 1:7 - সান্তালী বাইবেল

⁷ Ar jahaj cakʼlaoko hõ ako akoreko mepenena, “Noa muhinren dạyi do okoeye hoedaṛekokʼa, onate dela gulibãṭkate bon ńelma.” Arko gulibãṭketʼ khan onare Jonawakʼ ńutumge rakapʼena.

Jona 1:7 Referans Kwoze

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Josuạ 7:10

Unre Probhu Isor do Josuại metadea, “Ma beretʼme. Cedakʼem ombakʼ hape akana?

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Aposkạmi 13:19

Ona tayom Kanan disạmren eae jạtrenkoe maraoketʼkote acʼren hoṛko ona disạm cetanre ạidạriye ematʼko tahẽkana.

Mathae 27:35

Ado Jisuko kuruskede khan palṭonko do gulibãṭkate uniyakʼ kicricʼko hạṭińana.

Sereńko 22:18

Onko do ako talare ińakʼ kicricʼko hạṭiń joṅana ar ińakʼ aṅrop doko gulibãṭetʼtińạ.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Jobakʼ 10:2

E Isor, iń do alom bicạr dusiyińạ menkhan iń upạrte oka khanḍa khạnḍi menakʼtam ona baḍae ocoyińme.

Ester 3:7

Ahasberos rajakʼ rajokʼ gelbar bochor reakʼ pạhil candore, metakʼme Nisan candore mitʼṭecʼ din ar cando bachao lạgitʼ hoṛko do Haman samaṅre puretʼ, metakʼme gulibãṭko ehopʼena. Onate gelbar cando reakʼ, metakʼme Adar candore guli do rakapʼena.