Jona 1:4 - সান্তালী বাইবেল

⁴ Unre Probhu Isor do jalapurire mitʼṭecʼ tạpis hoeye kolkeda. Ona iạte nonka botoranakʼ birbão hoe rakapʼena, jahaj do rạpudokʼ leka hoyena.

Jona 1:4 Referans Kwoze

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Sereńko 135:7

Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Exodus 10:19

Ar onate Probhu Isor do hoeye ạcur ocokeda ar pạchim khon mitʼṭecʼ kajak hoeye ạguketʼte pohokoe oṭaṅ idiketʼkoa ar arakʼ jalapurireye khadlekatʼkoa. Onkate goṭa Misor disạmre ar mitʼṭen poho hõ bako tahẽlena.

Numeri 11:31

Tayomte Probhu Isor do mitʼṭecʼ hoeye ạgukeda. Ar ona hoe do jalapuri khon gunḍri cẽṛẽkoe oṭaṅ ạguketʼkote ḍera beṛhaete mitʼ din reakʼ hor hạbicʼ nonkae ńurhạketʼkoa, onko do ot khon bar moka hạbicʼ lade ghuguko aṭetʼ tahẽyena.

Exodus 15:10

Menkhan am dom oṅketʼte hoeyem ạgukeda, ar jalapuri hõ onkoe loṭomketʼkoa. Onko do khạndri dakʼre sisạ lekako tạpukʼena.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Exodus 10:13

Unre Mose do Misor disạm cetanre acʼakʼ ṭheṅgae tulkeda; Ar Probhu Isor do ona disạm cetanre goṭa siń ar ńindạ purub reakʼ hoeye kolkeda. Ar setakʼ jokhecʼ ona purub reakʼ hoete jhake jhak pohokoe ạguketʼkoa.

Sereńko 135:6

Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Jirimiạ 51:16

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoeye oḍok ạguiyeda.

Sereńko 148:8

E bijli ar arel, him ar kuṛhạ ar uniyakʼ hukum senakʼ birbão uni sarhaoepe.