Jona 1:17 - সান্তালী বাইবেল

¹⁷ Probhu Isor do Jona ude lạgitʼ mitʼṭen maraṅ okocʼ hakoe ṭhik dohoakade tahẽkana. Ar Jona do uni hakoakʼ lacʼre pe siń pe ńindại tahẽyena.

Jona 1:17 Referans Kwoze

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Luk 11:30

Jona do Ninwi nagraharen hoṛko lạgitʼ cetʼleka cinhại hoylen ṭhik onkage Manwa Hopon hõ noa piṛhirenko lạgitʼ cinhại hoyokʼa.

Mathae 16:4

Niạ bạṛicʼ ar laṭghaṭ piṛhiren hoṛge cinhạ doko ńam bakʼṛakana, menkhan Jona reakʼ chaḍa ar okaṭakʼ hõ onko do baṅ udukʼakoa.” Inạ tayom Jisu do onko bạgiyatʼkoteye calaoena.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Jona 4:6

Unre Probhu Isor do onḍe mitʼṭecʼ eraḍom dareye janam ocokeda. Ar ona dare do Jona cetanteye hara rakapʼ ocokeda uniyakʼ bohokʼ umultae lạgitʼ. Ona dare iạte Jona do ạḍiye kusiyena.

Genesis 1:21

Nonkate Isor do jalapuriren maraṅ maraṅ jiwiyanko ar dakʼre jhake jhak aema lekan jiwiyankoe sirjạuketʼkoa. Ona chaḍa aema lekan cẽṛẽko hõe sirjạuketʼkoa. Ar apan ạpin jạtrenko lekate bạḍokʼ reakʼ daṛe hõe danatʼkoa. Isore ńelkeda ona do ạḍi mońjge hoyakana.

Jona 2:10

Probhu Isor do hakoe hukumadea ar hako do ghuṭure Jonae ulạkedea.