Johan sodor 6:16 - সান্তালী বাইবেল

¹⁶ Onko do buruko ar dhirikoko metatʼa, “De ale cetanre bhindạṛokʼpe ar ona siṅghasonreye duṛupʼ akan, uniyakʼ mẽtʼãhã samaṅ khon ar Bheḍa Hoponakʼ edre khon oko dohokalepe,

Santali Common Language New Testament

¹⁶ Onko do buruko ar dhirikoko metatʼa, “De ale cetanre bhindạṛokʼpe ar ona siṅghasonreye duṛupʼakan, uniakʼ mẽtʼãhã samaṅ khon ar Bheḍa Hoponakʼ edre khon oko dohokalepe,

Johan sodor 6:16 Referans Kwoze

Luk 23:30

Unre hoṛko do maraṅ burukoko metakʼa, ‘De ale cetanre dhasaokʼpe,’ ar huḍiń buruko doko metakʼa, ‘De danaṅlepe.’

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Johan sodor 4:2

Iń do unrege sonot Jiuteń perecʼente sermare mitʼṭecʼ siṅghạsoniń ńel ńamkeda. Ona siṅghạsonre mitʼ hoṛ duṛupʼ akaniń ńelkedea.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛeanicʼ Isorakʼ jojomsa aṛere duṛupʼakan ar rimilte hijukʼkanpe ńelea.”

Jirimiạ 8:3

Okareń sạṅgiń giḍikako onḍe onko dusṭạmi jạtren sarecʼ jiwetʼ tahen hoṛ do jion khon morongeko kusiyakʼa. Noa katha do phạdkoren Probhu Isorgeye roṛeda.”

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,

Johan sodor 4:5

Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Sereńko 14:5

Isor do acʼren dhorom hoṛko sãote menaea, onate onko hoṛ do ạḍi botor paṛao akoa.

Jesaea 2:10

Probhu Isorakʼ botoranakʼ edre ar uniyakʼ ṭhonok reakʼ malkaokʼ khon rukhiyạ ńam lạgitʼ maraṅ maraṅ dhiri paṛakʼkore bolokʼpe, ar otre okokʼpe.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Johan sodor 5:1

Okoe ona siṅghạson cetanreye duṛupʼ akan tahẽkan uniyakʼ jojomtire mitʼṭecʼ puthiń ńelkeda. Puthi reakʼ bahre ar bhitrire do ol tahẽkana ar eae goṭecʼ mohorte chapakatʼ tahẽkana.

Johan sodor 9:6

Unre hoṛko do gujukʼko ńam baṛaea, menkhan okalekatege bako ńama; onko do gujukʼko khoja, menkhan gujukʼ do onko khone ńir pharakokʼa.