Johan sodor 6:12 - সান্তালী বাইবেল

¹² Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.

Santali Common Language New Testament

¹² Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.

Johan sodor 6:12 Referans Kwoze

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.

Amos 8:9

Probhu Isore menetʼkana, “Enhilokʼ tikin jokhecʼ siń cando doń hạsur ocoyea ar siń marsalrege dhạrti doń ńut ocoya.

Johan sodor 16:18

Unre bijli malkaokʼ lagaoena, ạḍi botor saḍe ar huḍurko hoyena, ar ạḍi ãṭ dhạrti laṛaoena, one dhạrtire manwa sirjạu tayom ar tisge baṅ hoyakan. Ar ona dhạrti laṛao do ạḍi botorge tahẽkana.

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Jesaea 50:3

Serma do kicricʼ leka ńutiń horokʼae kana ar gõṛẽ kicricʼ do ona reakʼ oyonakʼ geń hoeocoyeda.”

Johan sodor 8:5

Unre serma goḍet do pinḍ khon seṅgel hataokate ona dhup dạniye perecʼkeda ar dhạrtiteye lebda giḍikada. Onate huḍur ar eṭakʼakʼ botoranakʼ saḍe leka saḍeyena, ar bijli malkaoena ar dhạrti laṛaoena.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Mathae 24:7

Mitʼ jạtrenko do eṭakʼ jạtrenko upạrte ar mitʼ rajosṭi do eṭakʼ rajosṭi upạrteko lạṛhạiya. Jaega jaegakore akal hoyokʼa ar dhạrti laṛaokʼa.

Mark 15:33

Ado gelbar baja khon pe baja hạbicʼ goṭa disạm do ńũtena.

Mathae 28:2

Unre ackage dhạrti laṛaoena, ente Probhu Isorren mitʼṭen goḍet do serma khone pheḍ hecʼena ar topa duạr khon dhiri ocokʼkate ona cetanreye duṛupʼena.

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Mathae 27:45

Enhilokʼ tikin gelbar baja khon pe baja hạbicʼ goṭa disạm do ńutge tahẽyena.

Sakariạ 14:5

Ape do buru reakʼ ona buru nalatepe dạṛjoṅa, ente ona buru nala do Asel hạbicʼ calakʼa. Jihudạren raj Usiạwakʼ rajokʼ oktere dhạrti laṛaokʼ jokhecʼ cetʼ lekape dạṛletʼ onkagepe dạṛa. Ona tayom ińren Probhu Isor do uniren sanam sonotko soṅgeteye ạgukoa.

Amos 1:1

Tekoaren gukʼpiko modre Amos hõ mitʼhoṛe tahẽkana. Unre Jihudạren raj do Usiạ ar Israelren raj do Joasren hopon Jerobiame tahẽkana. Dhạrti laṛaokʼ bar bochor lahare Israel babotre Isor okae udukʼade tahẽkan onage Amos doe lại jạhirleda.

Jesaea 34:4

Sermaren siń cando, ńindạ cando ar ipilko doko marao utạrokʼa ar serma do kagoc leka lạṭumokʼa. Cetʼleka darkha nạ̃ṛĩ ar loa jo dare khon rohoṛ sakamko ńurokʼ onkage sanam ipilkoko ńurokʼa.

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Johan sodor 8:12

Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń doko ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.

Johan sodor 16:8

Ponicʼ serma goḍet do siń cando cetanre acʼakʼ bạṭiye dulkeda. Onate siń cando do hoṛko seṅgelte jhạusạuko lạgitʼ ektiạriye emocoyena.