Johan sodor 4:2 - সান্তালী বাইবেল

² Iń do unrege sonot Jiuteń perecʼente sermare mitʼṭecʼ siṅghạsoniń ńel ńamkeda. Ona siṅghạsonre mitʼ hoṛ duṛupʼ akaniń ńelkedea.

Santali Common Language New Testament

² Iń do unrege sonot Jiuteń perecʼente sermare mitʼṭen siṅghạsoniń ńel ńamkeda. Ona siṅghạsonre mitʼ hoṛ duṛupʼ akaniń ńelkedea.

Johan sodor 4:2 Referans Kwoze

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Jesaea 6:1

Oka bochor Usiạ raje gocʼen un bochor iń doń ńelkeda Probhu Isor do ạḍi usul reakʼ mitʼṭecʼ siṅghạsonreye duṛupʼ akana. Ar uniyakʼ raj kicricʼ reakʼ latar secʼakʼ hĩste mundil doe perecʼ akada.

Jeheskel 1:26

Ar onḍe nilkanto mạnik reakʼ siṅghạson leka ńelena. Ar ona coṭre menakʼ siṅghạson cetanre manwa muṭhạn leka mitʼ hoṛiń ńelkedea.

Johan sodor 5:1

Okoe ona siṅghạson cetanreye duṛupʼ akan tahẽkan uniyakʼ jojomtire mitʼṭecʼ puthiń ńelkeda. Puthi reakʼ bahre ar bhitrire do ol tahẽkana ar eae goṭecʼ mohorte chapakatʼ tahẽkana.

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,

Johan sodor 4:5

Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.

Johan sodor 5:13

Ona tayom sermare, dhạrtire, ot latarre ar jalapurire tinạkʼ jiwiyanko menakʼko, ar onare jãhãnakʼge menakʼ jotokoge noa katha roroṛkaniń ańjomketʼkoa: “Singhạsonre okoeye duṛupʼ akan Uniyakʼ ar uni Bheḍa Hoponakʼ sarhao man ar ṭhonok ar daṛe do jaejug hạbicʼ tahenma.”

Johan sodor 21:10

Tayomte uni serma goḍet do mitʼṭecʼ maraṅ ar usul buruteye idikedińa. Unre iń do sonot Jiu reakʼ uskurreń tahẽkana. Ar Isorakʼ ṭhonokte jhalkaokʼkan ona sonot nagraha Jerusalem serma khon ar Isor ṭhen khon pheḍ hijukʼkane udukʼạdińa.

Ibriko 8:1

Abo oka bon menetʼkan ona reakʼ asol katha do noa kana je, aboren do nonkan mitʼṭen maraṅ naeke menaea one uni do sermare maraṅ Isorakʼ siṅghạson reakʼ jojomsa aṛereye duṛupʼakan.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Jeheskel 10:1

Ona tayom beṅgetʼkateń ńelkeda, ar Kerubkoakʼ bohokʼ cetan secʼre okaṭakʼ aṭetʼ tahẽkan ona cetanre nilkanto dhiri reakʼ siṅghạson lekań ńel ńamkeda.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 19:4

Isor, okoe do siṅghạsonreye duṛupʼ akan uni do onko bargel pon mukhiyạ ar onko ponea jiwiyanko do ombakʼkate sewawadeteko menkeda, “Amen. Halleluyah!”

Johan sodor 21:5

Okoe ona siṅghạsonre duṛupʼ akane tahẽkan uni doe menkeda, “Ńelme, iń do jotowakʼge nãwãteń benao aroyeda.” Uni do arhõe menkeda, “Noa katha olme, ente noa kathako do pạtiạr ar sạrigea.”

Johan sodor 17:3

Ona tayom uni serma goḍet do hahaṅkar jaegateye idikedińạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor henostawae reakʼ ạḍi utạr ńutum uni janwarre ol tahẽkana. Uniyakʼ do eae goṭecʼ bohokʼ ar gel goṭecʼ dereń tahẽkantaea.

Johan sodor 12:5

Ar maejiuren do mitʼṭen koṛa gidrại hoyena. Uni gidrạge mẽṛhẽtʼ reakʼ ṭheṅgate sanam jạtrenkoe ḍanṭaokoa. Uni Hopon do Isor ar uniyakʼ siṅghạson ṭhene rakapʼ idi ocoyena,

Johan sodor 6:16

Onko do buruko ar dhirikoko metatʼa, “De ale cetanre bhindạṛokʼpe ar ona siṅghasonreye duṛupʼ akan, uniyakʼ mẽtʼãhã samaṅ khon ar Bheḍa Hoponakʼ edre khon oko dohokalepe,

Jirimiạ 17:12

Ona pạhil khon bạisạu akatʼ ṭhonokanakʼ siṅghạsonge aboakʼ koejoṅ oṛakʼ reakʼ ṭhạ̃i do.

Sereńko 11:4

Menkhan Probhu Isor do sermare acʼakʼ sonot mundilre menaea; uniyakʼ siṅghạson do onḍege menakʼtaea. Uni do manwakoe tạṅkhiyetʼkoa; ar uniyakʼ mẽtʼ do onkoe baḍae aṭkaretʼkoa.

Mathae 22:43

Unre Jisui metatʼkoa, “Enḍekhan Dạud do cekate Mạsi do sonot Jiu reakʼ ạyurte Probhu Isor menteye hohoade tahẽkana? Uniye menleda,

Johan sodor 4:10

onko bargel pon murubbiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubbiko do ona siṅghạson samaṅre akoakʼ mukuṭ bocʼ dohokateko meneda,